بُنجاھی حکومت گلگت بلتستان ءِ الس ءِ چاگردی ءُُ اقتصادی دیمروئی ءُُ گہبود ءِ واستہ جزمیگ اِنت، سی پیک ءَ چہ دمگ ءِ مردم آنی واستہ نوکیں اقتصادی موہ پیداک بیت
مزن وزیر شاہد خاقان عباسی ءِ سر وزیر گلگت بلتستان حفیظ الرحمن ءَ گوں گند ءُُ نند ءَ تران
اسلام آباد ۔ 15 فروری (اے پی پی) مزن وزیرشاہد خاقان عباسی ءَ اے جزم ءِ درشان کت کہ بُنجاھی حکومت گلگت بلتستان ءِ الس ءِ چاگردی ءُُ اقتصادی دیمروئی ءُُ گہبود ءِ واستہ جزمیگ اِنت، پاک چین اقتصادی راہداری (سی پیک) منصوبگ ءَ چہ دمگ ءِ مردم آنی واستہ نوکیں اقتصادی موہ پیداک بنت۔ آئی ءَ اے گپ سر وزیر گلگت بلتستان حفیظ الرحمن ءَ گوں تران کنان ءَ کت آئی ءَ پنچ شمبے ءِ روچ ءَ مزن وزیر کارگس ءَ آئی ءَ گوں گند ءُُ نند کت۔ بُنجاھی وزیر کشمیر ءُُ گلگت بلتستان چوہدری برجیس طاہر، ڈپٹی چیئرمین پلاننگ کمیشن سرتاج عزیز ءُُ کلانہ ایں کارندہ اے موہ ءِ سر ءَ ساڑی اتنت۔ سروزیر گلگت بلتستان ءَ مزن وزیر ءَ را سی پیک ءِ چیر دستی ءَ ارزشتی ایں منصوبگ آں ھوار بازیں دیمروئی منصوبگ آنی بابت ءَ سرپدی دات۔ گلگت بلتستان ءَ توان ءِ جاور ھال آنی بابت ءَ بریفنگ دیان ءَ حفیظ الرحمن ءَ گوشت کہ استیں حکومت ءَ گوستگیں دو سال آنی ساھت ءَ 82 میگاواٹ توان گوستگیں 70 سال آں چہ دمگ ءَ پیداک کنگ بوھگ ءَ اِنت، ایشی ءِ تہ ءَ 54 میگاواٹ ءِ گیشی کنگ بیت۔ آئی ءَ مزن وزیر ءَ را گوشت کہ توان ءِ وام آنی گرگ ءِ جاور ھال آنی تہ ءَ مزنیں کساس ءَ کمیگ اتکگ ءُُ اے وھد ءَ وام آنی گرگ 80درسد ءِ نزیک ءَ بوتگ۔ آئی ءَ گوشت کہ دمگی پاور گرڈ ءِ برجائی ءِ سرءَ کار جاڑی اِنت۔ سر وزیر ءَ گوشت کہ سی پیک منصوبگ ءِ چیر دستی ءَ 180میگاواٹ ءِ 2 توان ءِ منصوبگ دمگ ءِ ھاٹیگ ءِ ضلورت ءَ پیلو کنگ ءَ کمکار سہرا بنت۔ آئی ءَ مزن وزیر ءَ را پڑ ءَ سیل ءُُ سواد ءِ دیمروئی ءِ واستہ گلگت بلتستان حکومت ءِ کوشست آنی بابت ءَ سرپد ھم کت۔ سر وزیر ءَ شور ءُُ سلاھ دات کہ گلگت ءِ واستہ پی آئی اے ءِ بالیگ گراب آنی تہ ءَ گیشی ءَ چہ سیل ءُُ سواد ءِ پڑ ءَ کمکار سہرا بنت۔ سر وزیر ءَ کینسر ہسپتال ، میڈیکل کالج ءُُ کارڈیالوجی سنٹر ءِ برجائی ءَ ھوار گلگت بلتستان ءِ الس ءِ واستہ بازیں ٹوھیں منصوبگ آنی سر ءَ دیمروئی کار ءِ بابت ءَ مزن وزیر ءَ را سر پد کت۔ مزن وزیر ءَ سر وزیر ءَ را دل یکیم کت کہ سی پیک ءِ چیر دستی ءَ گلگت بلتستان ءِ ھوالگ ءَ توامیں گیشینتگیں منصوبگ زوت پکوئیں رنگ دیگ بنت۔ آئی ءَ گوشت کہ دیر چترال سی پیک لنک روڈ منصوبگ ءَ را ترجی دیگ بوھگ ءَ اِنت۔
