اسلام آباد۔14فروری (اے پی پی) نیوٹیک ءِ ایگزیکٹو ڈائریکٹر ذوالفقار احمد چیمہ ءَ گشتگ کہ سی پیک ءِ ضلورتاں دیمءَ ایر کتگءُ کنسٹرکشن ءُ ہاسپلیٹی ءِ پڑاں گیشاں چہ گیش ورناھ آناں تربیت پھجارینگ بوھگءَ اِنت۔ آئیءَ اے گپ چارشمبےءِ روچءَ چین ءِ سفیر ژاؤژنگءَ گوں گند ءُ نند ءِ تہا گشتگ۔ گندءُ نندءِ تہا ہنرمندیں مردمی قوت جوڈ کنگءُ ازمی تعلیم ءُ تربیت ءِ کارانی سرءَ الکاپی ءَ گپءُ تران کتگ۔ اے موھءِ سرءَ ایگزیکٹو ڈائریکٹرنیوٹیک ءَ چین ءِ سفیر ءَ را انوگیں کتگیں اصلاحات ءُ سُرءُ پرآنی ھوالگءَ سرپد کتگ۔ آئی ءَ گشتگ کہ سی پیک پاکستانءِ ورناھ آنی ھاترءَ روزگار ءِ موھ پیداک کنتءُ ملکی وشھالی ءُ دیمروئی ءِ نوکیں راھ پچ بنت۔ آئیءَ گیش گشتگ کہ سی پیک منصوبہ پاک۔بھارت ۔ چین دوستی ءِ نامیرانیں یاتگارے بیت کہ ایشی ءَ چہ سرجمیں خطہ ءِ مردم پاھدگ چست کن اَنت۔
