چیئرپرسن پرائم منسٹر یوتھ پروگرام لیلیٰ خانءِ ’’ اے پی پی ‘‘ ءَ گوں گپءُ ترا ن

اسلام آباد۔ 14فروری (اے پی پی) چیئرپرسن پرائم منسٹر یوتھ پروگرام لیلیٰ خانءَ گشتگ کہ پرائم منسٹر بے سوت وام سکیم ءِ ردءَ ( ایف ایل ایس) 2لکھ 58ہزار 637زالبولاں آسراتی پھجارینگ ءَ اِنت۔ لیلیٰ خانءَ ’’اے پی پی ‘‘ ءَ را ھال داتگ کہ حکومت ءَ ورناھ ھاس زالبولاناں راجی رپک ءِ تہا ھوار کنگءُ آھاناں وت واک کنگءِ ھاترءَ بازیں گامگیج چست کتگ۔ آئیءَ گشتگ کہ پرائم منسٹر بے سوت وام سکیم ءِ ردءَ چاگرد ءِ نیزگاریں ءُ ھکداریں زالبولاناں وتی بیپارءِ بندات کنگءِ ھاترءَ بے سوت وام پھجارینگ بوھگءَ اِنت۔ آئیءَ گشتگ کہ مسلم لیگ(ن) ءِ حکومتءَ چاگردءِ پدمنتگیں تبکءَ را وت واک کنگءِ ھاترءَ بازیں گامگیج چست کتگ کہ آھانی بازیں جوانیں نتیجگ دیمءَ پیداک اَنت۔