اسلام آباد۔14فروری(اے پی پی) آزاد کشمیرءِ صدر مسعود خان ءَ آزاد جموں ءُ کشمیر عبوری آئین ( دوازدہمی ترمیم) ایکٹ 2018ءِ توثیق کتگ کہ آئی ءِ ردءَ سیکشن II ایکٹ 1974 (VIII) ءِ تہا ترمیم ءَ چہ مسلم ساڑاھگ بوتگ کہ آئیءِ ردءَ مسلم ءِ بزانت یک انچیں مردمے کہ اتحادءُ اللہ تعالیٰ ءِ یکے بوھگءِ سرءَ اوستءُ ایمان ایر کنتءُ حضرت محمد ؐ ءِ گڈی نبی ءُ رسول ؐ بوھگءِ سرءَ پکہیں اوستءُ ایمان ایر کنت کہ پاکیں واجہؐ ءَ چہ پد ایچ نبی ءُ رسول دیم دیئگ نہ بیت ءُ اگاں کسے دروگ بہ بندیت ءُ وتءَ را نبی بوھگءِ گپءَ بہ کنت گڈا آئیءَ را دروگ بند بوھگ نہ لیک ایتءُ سرپد بہ بیت۔آزاد جموں ءُ کشمیر ءِ صدر سردار مسعود خان ءِ دستخط بوھگءَ پد نوں اے کانود جوڈ بوتگ۔ صدر مسعود خانءَ گشتگ کہ اے ترمیمی ایکٹ ءِ سرءَ ایشی ءِ توثیق ءَ پد ختم نبوت ءِ اے بل ’’ بن اِشت ‘‘ اِنت۔ آئیءَ گشتگ کہ آزاد کشمیر حکومت ءِ اے یک راج دپتری پیسلہ اِت کہ ایشی ءِ سرءَ آ مراد باتءُ دادءُ سلام ءِ ھک دار اِنت۔
