کراچی۔14فروری (اے پی پی) پاک بحریہ ءُ سعودی بحریہ ءِ اسپیشل آپریشن فورس آنی نیامءَ بوتگیں دونیمگی بحری مشق افعیٰ الساحلءِ اولی بھر آسر بوتگ ۔ چارشمبے ءِ روچءَ جاری بوتگیں اعلامیہ ءِ ردءَ مشقءِ اولی بھرءِ تہا زمینی ءُ ہاربر سُرءُ پرآنی بندات کنگ بوتگ وھدے کہ دومی بھرءِ تہا بحری اسپیشل آپریشن آنی مشقءَ چہ پیسر ریہرسل کنگ بوتگ۔ مشق افعیٰ الساحل ءِ مولءُ مراد دوھیں بحری اُردانی نیامءَ یکجائی آپریشن ءُ دیمپانی زانت کاری ءَ را گیش کنگءُ انسانی شپکّی ، زِری ڈُنگ ءُ ناشرکاری وڈیں بازیں ھتراءِ دیمپانی ءَ کنت۔ اے مشقءَ چہ دوھیں ملک آنی جیڑھ ءُ جنجال ءُ ھترہءِ ھلاپ ءَ یکجائی صلاحیت ءَ را گہتر کنگءَ کمک رسیت۔ بحری مشق افعیٰ الساحل پاک بحریہ ءُ رائل سعودی نیول فورس آنی اسپیشل آپریشن فورس آنی دونیمگی مشق اِنت کہ سال 2011ءَ چہ دارگ بوھگءَ اِنت۔ مشق ءِ اولی بھر سی فیز ءِ بنداتءَ چہ آسر بیت کہ آئی ءِ تہا میری تائم سپیشل آپریشن کنگ بنت۔ کراچی ءَ بحری مشق افعیٰ الساحل ءِ برجم دارگءَ ھوار پاک بحریہ ءُ سعودی بحریہ ءِ میرینز فورس آنی نیامءَ سعودی عرب ءَ دیرہ الساحل ءِ نامءَ چہ ھم بحری مشق جاری اِنت۔ کسبی زانت کاریءُ صلاحیت ھاس تیابی دیمپانی، ملٹری آپریشن ءُ ا ربن ٹیرین ءِ ندارگ، لینڈنگ کرافٹ یوٹیلٹی ءَ چہ تیاب ءِ سرءَ لینڈنگ ءُ کیموفلاج ءُ کنسیلمنٹ ٹیکنیکس ءَ چہ سنائپرز ءِ تربیت اے مشق ءِ بھر اَنت۔
