اسلام آباد۔ یکم مئی ( اے پی پی) مزن وزیر ءِ دری کارانی صلہ کار سرتاج عزیر ءَ گشتگ کہ ایشائی کارانی تہا اوست جوڑ ءُ گپ ءُ تران ءِ ھوالگ ءَ گامگیجانی تہا ( سی آئی سی اے ) مزنیں کردے پیلو کنگ ءَ اِنت، ریڈیو چین ءَ را داتگیں یک گلگودارے ءِ تہا آئی ءَ گشتگ کہ ایشیا ءِ تہا اُلس ءِ یک وڑیں بھت ءِ واجہیں ملک آنی تہا جوانیں سیادی ءِ باز ارزشت دار ایت ۔ آئی ءَ گشتگ کہ ناشرکاری ءِ نعلت ءُ جرم ءَ را گِرءُ دارکنگ ءُ سیکیورٹی ءِ جیڑھ ءَ را گیش ءُ گیوار کنگ وھد ءِ ھاسیں ضلورت اِت۔ آئیءَ گشتگ کہ چین ءِ صدر ءَ 27-28اپریلءَ ھڈ داتیں سی آئی سی اے ءِ چیر دستی ءَ دری کارانی وزیر آنی اجلاس ءَ گوں وتی بنداتی ترانانی تہا اُمیت درشان کتگ کہ نوکیں تھیوری ءَ چہ ایشاءِ امن ءُ ایمنی جوڑ کنگ بیت۔ دری کارانی صلہ ءَ گشتگ کہ پاکستان چین ءِ یکجائی ءَ چہ ایشاء ءِ دیم روئی ءِ تہا وتی کرد ءَ پیلو کنگ لوٹ ایت۔ آئی ءَ گشتگ کہ سی پیک ءِ منصوبہ آنی سرءَ عمل درآمد بوھگ ءَ اِنت ءُ چین ءُ پاکستانءِ اُلس ایشی ءَ چہ مزنیں کساسے ءَ پاھدگ چست کنگءَ اَنت۔
