اسلام آباد۔ 12 فروری (اے پی پی) وزیر مملکت اھوالکاری ءُُ شنگ کاری ءُُ راجی مڈی مریم اورنگزیب ءَ گوشت کہ اسحاق ڈار ءِ کاگد بے مول ءُُ مرادیں درگت ءَ رد کنگ بوتگ اَنت۔ فنی بُکگ ءِ بنیات ءَ اسحاق ڈار ءِ کاگد ءِ نامینگی ءَ را رد کنگ ءِ کانودی رنگ ءَ راست نہ پھمگ بنت، اسحاق ڈار سروک محمد نواز شریف ءِ سپاھیگ اِنت، ھمک فورم ءَ مھکمی ءَ دیم پہ دیمی کن آں، اسحاق ڈار ءَ اے پیسلہ ءِ ھلاپ ءَ اپیل ءَ روگ ءِ پسیلہ کتگ۔ دو شمبے ءَ وتی بیان ءِ تہ ءَ وزیر ءِ مملکت مریم اورنگزیب ءَ گوشت کہ اسحاق ڈار ءَ ملک ءُُ راج ءِ واستہ سک باز کوشست ءِ گوما کار کتگ، آئی ءِ واھشت آناں ناں ایوک ءَ پاکستان بلکینگ ءَ سرجمیں دگنیا ءَ ساڑاھگ بیت۔ آئی ءَ گوشت کہ اسحاق ڈار ءَ دو کاگد ءِ نامینگی جم کتگ بوتگ، کاگد ءِ نامینگی ءِ رد ءَ الیکشن ءِ واستہ یک بینک اکاؤنٹ ءِ پچ کنگ ضلوری اِنت، ریٹرننگ آفیسر ءَ ایوک ءَ اے بنیات ءَ کاگد ءِ نامینگی رد کتگ اَنت کہ دو کاگد ءِ نامینگی ءِ واستہ دو جتا جتائیں بینک اکوئنٹس بوھگ المی اِنت۔ وزیر ءِ مملکت مریم اورنگزیب ءَ گوشت کہ اے رنگیں ’’شق‘‘ کانود ءِ تہ ءَ نیست اِنت ءُُ جتائجیں بینک اکاؤنٹ ءِ ضلورت یک الیکشن ءِ واستہ اِنت، ھمک کاگد ءِ نامینگی ءِ واستہ نہ اِنت، اسحاق ڈار ءَ اے پیسلہ ءِ ھلاپ ءَ اپیل ءَ روگ ءِ پیسلہ کتگ۔
