اسلام آباد ۔ 12 فروری (اے پی پی) پاکستان ءُُ سعودی عرب ءِ آپی ارد ءِ نیام ءَ دکہ الجبیل، سعودی عرب ءَ برجم داشتگیں یکجائی آپی مشک نسیم البحرالیون، ءِ اولی بھر گڈ بوت۔ مشک ءِ اولی بھر آپریشنز ءِ جتا جتائیں سبب ءَ یکوئی ءِ پیداک کنگ ءِ واستہ ہاربر ءِ چست ءُُ ایر کنگ ءِ واستہ انت۔ ہاربر فیز ءَ دوئیں ملک آنی آپی ارد ءِ نیام ءَ مشک ءِ سی فیز ءِ ساھت ءَ بوتگیں یکجائی آپریشنز آنی منصوبگ بندی کنگ بوت۔ بنداتی بھر ءِ تہ ءَ پاک بحریہءُُ سعودی بحریہ ءِ جہاز ءُُ دکہ آنی سرءَ جتا جتائیں ساز ءُُ سامان آنی پٹ کنگ ءِ ھیل کاری چست ءُُ ایر کنگ بوت۔ اے فیز ءَ دوئیں ملک آنی آپی اُرد ءَ ایمفیبئیس لینڈنگ آپریشنز، ایسکورٹنگ آپریشنز، اسنائپر/ کیمو فلاج تکنیک ءُُ مائن کاؤنٹر میژرز ءِ مشک آنی منصوبگ بندی ءِ ماڈیولز ءِ ریھرسل کت۔ پاکستان نیوی ءِ مشن کمانڈر ءُُ سعودی بحریہ ءِ نیمگ ءَ شک آنی ڈائریکٹرءَ ہاربر فیز ءِ توامیں چست ءُُ ایرا آنی ترندیں نگرانی کت۔ایشی ءَ چہ پیسر یکجائی مشک آنی بنگیج ءَ بریفنگ ھم برجم دارگ بوت ایشی ءَ چہ مشک آنی بندات ءُُ جتا جتائیں بھر آنی سرءَ سرجم ءُُ برجمیں چمشانک دیگ بوت۔ پاک بحریہ ءِ مشن کمانڈر ءُُ سعودی نیوی ءِ نیمگ ءَ مشک آنی ڈائریکٹر ھم اے موہ ءِ سرءَ ساڑی اتنت۔ پاک ۔ سعودی یکجائی آپی مشک نسیم البحرءِ مول ءُُ مراد آنی تہ ءَ دوئیں آپی اُرد آنی نیام ءَ یکجائی آپریشنز ءُُ دیمپانی ازم آناں دیمروئی دیگ، تیابی ڈنگ آنی گر ءُُ دار ، اینٹی ائیراینڈ سرفیس وارفئر ءُُ مائن کاؤنٹر میژرزوارفیئ آپریشنز ءِ مشک کنگ ھوار اَنت۔ اے مشک آں چہ ھمروچ ءَ چہ ڈن، بالی، سرفیس ءُُ مائن وار فئیر ءِ بیم آنی ھلاپ ءَ یکجائی ازم آناں گہتر کنگ ءِ موہ رسیت۔ ہار بررفیز ءِ سرجم بوھگ ءَ پد مشک نسیم البحر سی فیز ءَ پُتریت۔ اے مشک ءِ گوما پاک بحریہ ءُُ سعودی عرب ءِ میرینز ھم یکجائی مشک دیرہ الساحل ءَ بھر زوری کنگ ءَ اَنت۔ استیں مشک، نسیم البحر ایکسر سائز آنی رد ءَ یازدھمی مشک اِنت ایش کہ 17فروری ءَ تاں سعودی عرب ءِ تیاب ءَ جاڑی دارگ بیت۔ پاکستان ءُُ سعودی آپی اُرد ءِ نیام ءَ یکجائی مشک ءِ بندات پڑ ءَ استیں سیاسی ءُُ جغرافیائی جاور ھال آنی رد ءَ سک باز ارزشتی اِنت ءُُ اے مشک دوئیں ملک آنی نیام ءَ دو نیمگی یکوئی آناں دیمروئی دیگ ءَ کمکار سہرا بنت۔ 1993ءَ چہ جاڑی بوتگیں اے مشک مرچی مزن تک ءِ آپی مشک آنی رنگ ءَ دیم ءَ انت ایشی ءِ تہءَ آپی مشک ءِ توامیں تک ھوار اَنت۔ دوئیں ملک آںی نیمگ ءَ اے مشک ءَ را ٹوھیں کچ ءَ بھر زوری کنگ دوئیں ملکی آنی نیام ءَ استیں دل یکیمی ءُُ اوست آنی درانگاز اَنت۔
