عاصمہ جہانگیر ءِ بیرانی ءَ چہ ملک ءَ یک نہ تُرسیں ، دلیریں ءُُ رھبند دوستیں بامردے ءَ چہ زھبر بوت
جمہوریت ءِ ھک ءَ عاصمہ جہانگیر ءِ جہد ءُُ کوشست لائک ءِ بے ھیالی نہ انت
مزن وزیر شاہد خاقان عباسی ءِ نامداریں کانود زانت عاصمہ جہانگیر ءِ بیرانی ءَ دلپدردی ءِ درشان
اسلام آباد ۔11 فروری (اے پی پی)مزن وزیر شاہد خاقان عباسی ءَ نامداریں کانود زانت عاصمہ جہانگیر ءِ بیرانی ءِ پد ءَ گرانیں دلپدردی ءِ درشان کت ءُُ گوشت کہ عاصمہ جہانگیر ءِ جمہوریت ءِ واستہ ازمت لائک ءِ توسیپی اَنت اِچبر بے ھیال کنگ نہ بنت۔ مرچی ملک ءَ چہ یک دلیریں ءُُ نہ تُرسیں بامردے ءَ چہ زھبر بوتگ۔ لگت مال کنوک آنی ھلاپ کنوک ءُُ جمہوریت ءِ ھک ءَ عاصمہ جہانگیر ءِ جہد ءُُ کوشست لائک ءِ بے ھیال ایگ نہ اَنت۔ یک شمبے ءِ روچ ءَ وتی دلپدردی کلوہ ءِ تہ ءَ مزن وزیر شاہد خاقان عباسی ءَ ھُدا مرزی ءِ واستہ دُعا ئے نیک کت ءُُ پشمندگ آنی واستہ اوپار کشی ءِ دعا کت۔ مزن وزیر شاہد خاقان عباسی ءَ وتی کلوہ ءِ تہ ءَ گوشت کہ عاصمہ جہانگیر بنی آدم آنی ھک ءِ لگت مالی ءِ ھلاپ ءَ مزن جگری ءَ گوں دیم ءَ اوشتاتگ۔ عاصمہ جہانگیر ءِ بیرانی ءَ وکیل ایں برات آنی واستہ ٹوھیں تاوان اِنت۔ آئی ءِ بیرانی ءَ سرجمیں راج ڈکھ ءُُ اندوھ ءِ تہ ءَ اِنت، مزن وزیر ءَ گوشت کہ عاصمہ جہانگیر ءَ پاکستان ءِ سیاسی ءُُ آمید گس ءِ پڑ ءَ بے مٹیں نکش رند اِتگ۔
