میانوالی۔ 10 فروری (اے پی پی) مزن وزیرشاہد خاقان عباسی ءَ گوشت کہ پاکستان ءِ آیوکیں باندات جمہوریت ءِ توک ءَ اِنت، جمہوریت ءِ رچ ءَ را برجا مان ایت گڈا ملک دیمروئی کنت، 2018ءَ پد ھم مسلم لیگ (ن) ءِ حکومت بوت، استیں دور ءِ حکومت ءَ ھمینکیاس کار بوتگ اینکیاس 65 سال ءَ نہ بوتگ، سینٹ گچین کاری ءَ لٹ ءُُ پُل ءُُ ضمیر ءِ بھا کنوک الس ءِ نماھندگ بوت نہ کن اَنت، ھما مردم کہ ہارس ٹریڈنگ ءَ گوں دست مانجن اَنت ایشاناں سہرا کن آں۔ آ شمبے ءِ روچ ءَ ادا میانوالی ءِ تحصیل عیسیٰ خیل ءَ گیس ءِ پُجاری ءِ منصوبگ ءِ بنگیج ءَ پد السی مچی ءَ گوں تران کنان ات۔ اے موہ ءِ سرءَ این اے 71ءِ باسک قومی اسلمبلی عبید اللہ خان شادی خیل ءَ گوں گشتانک دیان ءَ کت۔ مچی ءَ باسک قومی اسمبلی سردار ممتاز ٹمن، جاوید اخلاص، صوبائی وزیر راجہ اشفاق سرور، تمکین نیازی ، مسلم لیگ(ن) ءِ سروک حنیف عباسی، انجم عقیل ءُُ صدیق الفاروق ھم ساڑی اتنت۔
