اسلام آباد۔ 10 فروری (اے پی پی) امن ءُُ یکوئی ءِ بابت ءَ اوگانستان ءُُ پاکستان ءِ یکجائی کار آنی بابت ءَ سول ءُُ تران آنی دومی بھر اسلام آباد ءَ برجم دارگ بوت انت۔ درئی کارانی کارگس ءِ رد ءَ دو روچی سول ءُُ تران ءِ ساھت ءَ اوگانستان ءُُ پاکستان ءَ ایمنی ءُُ سلامتی ءِ بابت ءَ ایکشن پلان آنی سر ءَ ھیال ریچی کنگ بوت۔ سیکرٹری درئی کار تہمینہ جنجوعہ ءَ سول ءُُ تران ءَ پاکستان ءِ ڈل وھدیکہ اوگانستان ءِ نائب وزیر درئی کار حکمت کرزئی ءَ اوگانستان ءِ ڈل ءِ سروکی کت۔ جارچین ءِ گوشگ ات کہ سول ءُُ تران ءَ بازیں بُن گپ آنی سرءَ تپاک کنگ بوت وھدیکہ گیش گپ ءُُ تران ءِ ضلورت اِنت۔ دوئیں ملک آنی آیوکیں باندات ءِ سرءَ گپ ءُُ تران جاڑی دارگ ءِ سرءَ تپاک کت۔ یکجائی کار آنی مول ءُُ مراد ناشرکاری ءِ گر ءُُ دار، جنگ ءُُ چوپ آنی ھلاسی، ایمنی ءُُ سلاھ آنی دیمروئی ، اوگان پناہ زوروکیں آنی وطن واپسی ءُُ یکجائی اقتصادی دیمروئی ءِ شوبگ ءَ کمک آناں ودینگ اِنت۔
