اسلام آباد۔ 10 فروری (اے پی پی) مشعل پاکستان ءُُ میاں اوستمانی اقتصادی فورم مالی سال 218۔19ءِ واستہ پاکستان ءِ میاں اوستمانی ھمگونگی ءِ درجہ بندی ءِ لوٹ ءِ پد ءَ سرجمیں ملک ءَ یکجائی سروے ءِ کنگ بیت۔ سروے ءِ ساھت ءَ پاکستان ءَ مزنیں کساس ءَ کاروبار کنوکیں ادارگ آنی سروے کنگ بیت ءُُ ایشاں چہ کاروبار ءِ بابت ءَ آواں جست ءُُ رایہ گرگ بیت۔ 1979ءَ چہ بگر مرچی ءَ تاں میاں اوستمانی ھمگونگی رپورٹ ءَ را میاں اوستمانی اقتصادی فورم ءِ فلیگ شپ پبلکیشن تسلیم کنگ بیت۔ مشعل ءِ پاکستان ءِ چیف ایگزیکٹیو اپسرگ عامر جہانگیر ءَ گوشت کہ گوستگیں سال کاروباری برات آنی ھواری رنگ ءَ 526 رایہ دیوک آں چہ جست گرگ بوتگ وھدیکہ میاں اوستمانی اقتصادی فورم ءَ میاں اوستمانی پڑ ءَ 12755کاروباری سروک آں گوں رابطہ کنگ بوت، ایشانی تہ ءَ 2017ءَ چین ءُُ میکسیکو ءَ پد پاکستان سیمی مزنیں ملک بوتگ آھودا دُرستاں چہ گیش کاروباری سروک آں چہ جست گرگ بوتگ۔
