نائب مزن وزیر اسحاق ڈار ءَ کثیر جہتی گامگیج آنی تہ ءَ پاکستان ءِ برجاھیں ھوار بوھگ ءِ سر ءَ چار ءُ تپاسی ءِ دیوان

اسلام آباد۔7جولائی  (اے پی پی): نائب مزن وزیر ءُ دری کارانی وزیر سینیٹر محمد اسحاق ڈار ءَ جتا جتائیں کثیر جہتی گامگیج آنی تہ ءَ پاکستان ءِ برجاھیں ھوار بوھگ ءِ سر ءَ چار ءُ تپاسی ءِ واستہ دیوان ءِ سروکی ءَ کت۔ سئے شمبے ءِ روچ ءَ درئی کارانی کارگس ءِ نیمگ ءَ جاڑی بوتگیں بیان ءِ رد ءَ نائب مزن وزیر ءَ را آیوکیں جتا جتائیں مزن تک ءِ مراگش آنی تیاری ءِ رھبند آنی ھوالگ ءَ سرپد کنگ بوت۔ آئی ءَ کثیر جہتی کمک ءَ را دیمروئی دیگ ءِ واستہ پاکستان ءِ برجاھیں عزم ءِ سر ءَ زور پر دات ءُ جتا جتائیں میاں اوستمانی دیوان آنی تہ ءَ پاکستان ءِ اصولی موقف ءِ ھوالگ ءَ المی ہدایت جاری کت۔ گند ءُ نند ءَ وزارت ءِ درئی کارانی سیکرٹری آمنہ بلوچ، اسپیشل سیکرٹری (اقوام متحدہ)، ایڈیشنل سیکرٹری (ایشیا پیسفک) ءُ وزارت ءِ درئی کارانی اے دگہ مزنیں کارندہاں بہر زرتگ ات۔