صدر آصف علی زرداری ءِ شرپ ءَ  دیوان کرغزستان ءِ  “رخ  اور دو” دود ءُ ربیدگ ءِ کمپلیکس  ءَ برجم دارگ بوتگ

اسلام آباد۔7جولائی  (اے پی پی): صدر آصف علی زرداری ءِ شرپ ءَ کرغزستان ءِ شہر چولپون آتا  ءِ ”رخ اوردو“ دود ءُ ربیدگ ءِ کمپلیکس ءَ سرکاری استقبالیہ مراگش برجم دارگ بوت۔ سئے شمبے ءِ روچ ءَ صدارتی ایوان ءِ پریس ونگ ءِ نیمگ ءَ جاڑی بوتگیں بیان ءِ رد ءَ کرغزستان ءِ صدر صدر ژاپاروف ءَ مراگش ءَ سر بوھگ ءِ سر ءَ صدر ءِ مملکت ءَ را وش آتک کتگ۔ استقبالیہ مراگش ءِ تہا دوئیں ملک آنی راجی سوت الہان ​​کنگ بوت انت۔ اے موہ ءِ سر ءَ صدر آصف علی زرداری ءَ را کرغزستان ءِ سلاہ بندیں اُرد ءِ نوکیں دستہ ءِ نیمگ ءَ گارڈ آف آنر پیش کنگ بوت ءُ صدر ءَ گارڈ آف آنر ءِ چار ءُ تپاسی کت۔ مراگش ءِ ساھت ءَ دوئیں سروک آں ڈل آناں یک دومی ءَ گوں پجار کت۔