وفاقی داخلہ ءِ وزیر ءَ زیارت ءَ ناشرکاری اُرش ءِ مذمت کتگ، 15 ناشرکارانی کوش ءِ سبب ءَ پولیس فورس ءَ را توسیپ ءُ ستا

اسلام آباد۔7جولائی  (اے پی پی): وفاقی تہی کارانی وزیر محسن نقوی ءَ زیارت ءِ دمگ ءَ بھارت ءِ سرپرستی ءَ بوتگیں ناشرکارانی بزدلیں اُرش ءَ را سک باز مذمت کتگ ءُ اے وئیل ءَ وتی جان ندر کتگیں 9 پولیس کارندہ آناں شگر ءُ منت گپتگ۔ آئی ءَ آپریشن ءِ وھد ءَ بھارتی سرپرستی ءَ 15 ناشرکار آنی کوش ءِ واستہ پولیس فورس ءِ بہادری ءُ پیشہ وارانہ ءِ سک باز ستا کرتگ۔ وتی یک بیانے ءِ تہ ءَ وزیر توکی کار ءَ شہید آنی گس آنی گوما دلپدردی ءِ درشانی کتگ ءُ آوانی صبر ءُ اوپار ءِ دعا کتگ۔ محسن نقوی ءَ گوشت کہ ھما شہید کہ امن ءِ ھاتر ءَ وتی سر ندر کتگ اَنت آ مئے راج ءِ شان اَنت ءُ ایشانی ابدمانیں قربانی ھچبر شموشگ نہ بنت ۔ آئی ءَ گوں بے دروریں رنگ ءَ گوشت کہ دژمن ءِ عناصر اے گپ ءَ دل ءَ بہ دار اَنت کہ اے وڑیں بزدلیں اُرش ملک ءِ امن ءُ ایمنی ءَ را سبوتاژ کت نہ کن اَنت ءُ ناشرکاری ءِ ھلاپ ءَ جنگ وتی منطقی آسر ءَ سر کنگ بیت۔ آئی ءَ سرجمیں پولیس ٹیم ءَ را خراج  توسیپ ءُ ستا  کت کہ آہاں بھارت ءِ سرپرستی ءَ ناشرکار آناں مثالی آسر ءَ سر کتگ۔ محسن نقوی ءَ اے گپ ءِ پدر کنگ ءَ گشتگ کہ پاکستانی راج ءُ سیکورٹی فورسز امن ءِ ھراب کنگ ءِ ھاتر ءَ ھندوستان ءِ سرپرستی ءَ بوتگیں ناشرکارانی ھرچ سازش ءُ نا شریں کوشست ءَ ناکام کنگ ءِ ھاتر ءَ سرجمی ءَ پابند اَنت۔