پاکستان یورپی یونین ءَ گوں وتی سیادی ءَ را سک باز ارزشت دنت، صدر ممنون حسین
اسلام آباد۔ 09فروری (اے پی پی) ملک ءِ صدر ممون حسین ءَ گشتگ کہ پاکستانءِ تہا بیم کارءُ بیم کار دوستانی ایچ وڈیں جاگہ نیست، پاکستان خطہ ءِ تہا امنءُ ایمنی ءُ مھکمی ءِ ھاترءَ سرجمیں ایمانداری ءِ گوما کار کنگءَ اِنت، پاکستان ناشرکاری ءَ را ھرچ وڈءَ ایر جنت ءُ اے مولءُ مراد ءِ ھاترءَ پاکستان ءِ سرڈگار ءِ کارمرز کنگ ایچ وڈءَ بوت نہ کنت۔ آئیءَ اے گپ یورپی براتی ءِ عسکری کمیٹی ءِ چیئرمین جنرل میخائل کوستاراکوس ءَ گوں گپءُ تران کنانءَ کتگ کہ آھاں جمعہ ءِ روچءَ ایوان صدرءَ یکے دومی ءِ گوما گپءُ تران کتگ۔ اے موھءِ سرءَ دیمپانی ءِ وزارت ءُ ایوان صدرءِ مزنیں حکام ھم ساڑی بوتگ اَنت۔ ملک ءِ صدرءَ گشتگ کہ پاکستان یورپی یونین ءَ گوں وتی سیادی ءَ را سک باز ارزشت دنتءُ آئیءِ ترءُ تاب ءَ چہ پاکستانءُ یورپی یونین ءِ نیامءَ گیش کمکءِ کشک پچ بنت۔ صدرءَ اوگانستانءِ تہا یورپی یونین ءِ باسکیں ملک آنی تعمیری کردساڑاتگ ءُ گشتگ کہ یورپی یونین ءَ پاکستانءِ تہا بازیں دیمروئی منصوبہ آنی تہا کمک کتگ ، اُمیت اِنت کہ بانداتءَ ھم کمک کنت۔ ملک ءِ صدر ءَ گشتگ کہ ناشرکاری ءِ ھلاپ ءِ جنگءَ سک باز مالی ءُ جانی قربانی داتگ۔ آئیءَ لائن آف کنٹرول ءُ ورکنگ باؤنڈری ءِ سرءَ بھارتی ھلاپ ورزی ءُ مقبوضہ کشمیر ءَ انسانی ھکانی ھلاپ ورزی ءِ سرءَ اپسوزءِ درشانی کتگءُ گشتگ کہ میاں اوستمانی براتی ایشی ءَ را گرءُ دار کنگءَ وتی کردءَ پیلو بہ کنت۔
