مہمءِ تہا سرسبزیں پاکستان ءُ جوانیں چاگرد ءِ گیشی ءِ ھاترءَ سرجمیں ملک ءِ تہا درچک کشگ بیت
اسلام آباد۔09فروری (اے پی پی)مزن وزیر شاہد خاقان عباسی ءَ سرسبزیں پاکستان ءِ جزم ءِ درشانی کتگءُ جمعہ ءِ وروچءَ مزن وزیر کارگس ءَ نہال کشتگ ءُ درچک کاری مہم ءِ بندات کتگ۔مہمءِ تہا سرسبزیں پاکستان ءُ جوانیں چاگرد ءِ گیشی ءِ ھاترءَ سرجمیں ملک ءِ تہا درچک کشگ بیت ۔ اے موھءِ سرءَ موسمیاتی مٹءُ بدلی ءِ وزیر شاہد اللہ خانءُ راجی اسمبلی ءِ باسک رومینہ خورشید عالم ھم مزن وزیر ءِ ھمراھ بوتگ۔ اے موھءِ سرءَ مہمءِ سوبمندی ءِ ھاترءَ دعا لوٹگ بوتگ۔ گرین پاکستان پروگرام ءِ ردءَ 10کروڑ گیش درچک کشگ بیت۔ سال 2016-21ءِ تہا اے پروگرام ءِ مچ ھرچ 3.652ارب کلدار اِنت۔ مزن وزیر شاہد خاقان عباسی ءَ سرسبزیں پاکستانءِ جزم ءِ درشانی کتگ ءُ دراھیں پاکستان ھاس دھکان، نودربر، مزن گسی باسک ءُ زندءِ ایندگہ تکءُ پھناتاں چہ سیادی داروکیں مردین آدمءُ زالبولانی سرءَ زور پِرداتگ کہ گیشاں چہ گیش درچک کشگ بہ بیت ءُ درچک کاری مہم 2018ءِ تہا بھر زورگ بہ بیت۔ اے مہم ءِ تہا پارک، مارگلہ ءِ کوھ ءُ گرین بیلٹس ءِ سرءَ گیشاں چہ گیش درچک کیشگ بہ بیت تنکہ ماحولءَ را سرسبز کنگ بہ بیت۔
