ایبٹ آباد۔09فروری (اے پی پی ) راجی اسمبلی ءِ ڈپٹی اسپیکر مرتضیٰ جاوید عباسی ءَ گشتگ کہ 2018ءِ گچین کاری ءِ تہا مسلم لیگ (ن) سرجمیں ملک ءَ وتی جوانی کردءِ پیلو کنگءِ سوبءَ سوبمند بیت، صوبہ ءَ را پنچ سالانی تہا ناچ ءُ سوت جنوکاں تنا زبانی گپانی سرءَ کتگ، خیبر پختونخوا ءِ اُلسءَ اے پنچ سالانی تہا درسانی کارءُ کرد پجّار آؤرتگ اَنت۔ جمعہ ءِ روچءَ صحافی آنی گوما گپءُ تران کنانءَ آئیءَ گشتگ کہ آؤکیں گچین کاری ءِ تہا صوبہ ءِ تہا ھم مسلم لیگ(ن) حکومت جوڈ کنت، مسلم لیگ(ن) ءِ سروک محمدنواز شریف ءَ ملکءَ را یک مھکمیں ءُ فعالیں ٹریک ءِ سرءَ رھادگ کتگ ۔ ڈپٹی اسپیکر مرتضیٰ جاوید عباسی ءَ گشتگ کہ مہ وتی اُلسءَ را ھرچ ھما چیز پھجارینتگ کہ آھاں چہ دیمروئی گیش بوتگ، موٹروے ءِ سورت ءَ کہ آشوب ہزارہ ءِ تہا اَتکگ ایشی ءَ چہ آؤکیں وھدانی تہا ہزارہ ءِ تہا یک مزنیں صنعتی آشوبے پیداک اِنت، ملک ءَ را لوڈشیڈنگءَ رکھینگ ءَ مسلم لیگ(ن) ءِ حکومت ءِ یک مزنیں کار اِت۔
