صوبائی حکومت شکرکانڈیل ءِ بھاءُ سیم ءِ ءُ جوڈ کتگیں نیادانی ادائیگی ءَ را الم کنگءِ ھوالگءَ وتی زمہ واری ءَ پیلو بہ کنت
اسلام آباد۔08فروری (اے پی پی) مزن وزیر شاہد خاقان عباسی ءَ گشتگ کہ بنجاھی حکومت شکرکانڈیل ءِ دھکانانی جیڑھءُ جنجال ءَ چہ شر سرپد اِنت بلے شرکانڈیل ءِ بھاءُ سیم ءُ جوڈ کتگیں نیادانی ادائیگی ءَ را الم کنگ صوبائی حکومت ءِ چیردستیءَ کیئت ، صوبہ اے ھوالگءَ وتی زمہ واری ءَ پیلو بہ کنت۔ آئیءَ اے گپ راجی وردنءُ وراک ءِ ملکی وزیر سیدّ ایاز علی شاہ شیرازی ءَ گوں گپ ءُ تران کنانءَ کتگ کہ آھاں پنچ شمبے ءِ روچءَ گند ءُ نند کتگ۔ گندءُ نندءِ ہتا صوبہ سندھ ءَ شکرکانڈیل ءِ دھکاناں آھانی کشار انی بھاءُ سیم ءُ جوڈ کتگیں نیادانی سرءَ ادائیگی ءِ ھوالگءَ چہ جیڑھءُ جنجالاں چہ سرپد کنگ بوتگ۔ مزن وزیر ءَ گشتگ کہ بنجاھی وزیر شکرکانڈیل ءِ دھکانانی جیڑھءُ جنجالاں چہ سرپد اِنت، بنجاھی حکومتءُ بنجاھی کابینہ ءَ دھکانانی جیڑھءُ جنجال ءِ سرءَ وتی تکانسری ءِ درشانی کتگءُ صوبہ آناں گشتگ کہ آ اے ھوالگءَ وتی زمہ واری ءَ پیلو بہ کن اَنت تنکہ دھکانانی کشار انی وھدءِ سرءَ جوڈ کتگیں نیادءِ ردءَ ادائیگی الم کنگ بہ بیت۔
