اسلام آباد۔08فروری (اے پی پی ) جان ءُ سلامتی ءِ زانت کار اں کھڈن کتگ کہ شیشہ کشگ ءِ نقصان تمباک کشگ ءَ چہ گیش نقصان اَنت۔ ڈاکٹر منور اسلم ءَ وتی یک گلگودار ءِ تہا گشتگ کہ چیلیم کہ آ واٹر پائپ ، شیشہ ءُ دگہ ناماں چہ زانگ بیت ، ایشیءِ کشگءَ چہ جانءُ سلامتی ءِ سرءَ بازیں نقصان کپیت کہ تمباک کشگءَ چہ گیش نقصان اِنت۔ زانت کار انی گشگ اِنت کہ زھگانی نزیکءَ شیشہ کشگ ءَ چہ زھگ نادراھ بنت۔ ڈاکٹر ارسلان باسط ءَ گشتگ کہ مردم مدام پچیں ھندءُ دمگاں رؤں ءُ وتی ھاندانءَ ھمراھیءَ براں گوں آھانی نزیکءَ شیشہ کشگ سک باز ھترناک اِنت۔ کنسلٹنٹ ءُ کارڈیالوجسٹ ڈاکٹر شمس جاوید ءَ گشتگ کہ یکوئی ءَ ءُ مدام تمباک کشگ ءُ شیشہ کشک سک باز ھترناک اِنت کہ مردم مرگءِ آماچ بوت کنت ءُ شیشہ کشگءِ سوبءَ جوانیں ءُ جانءُ سلامتیں مردم زوت پیر ءُ آجز بیت ءُ کسان کسانءَ مرگءِ آماچ بیت۔ آئیءَ گشتگ کہ اے ھوالگءَ چہ مردماناں سرپدی دیئگ ءِ ضلورت اِ نت ۔
