اسلام آباد۔ 08فروری (اے پی پی ) سینیٹ ءِ جوڈ کتگیں دیمپانی کمیٹی ءِ چیئرمین سینیٹر جنرل ریٹائرڈ عبدالقیوم ءَ گشتگ کہ کشمیر مئے دلانی تہا آبات انت ءُ آئی ءِ آجوئی ءِ توار ءَ ھمک فورمءِ سرءَ بُرز کن اَنت، مئے سیاسی ءُ عسکری سروک یک جاھ اَنت، پاکستان ھرچ وڈیں دُژمن ءِ پسوءِ دیئگءَ زانت ۔ اے ھیالانی درشانی آئیءَ پنچ شمبے ءِ روچءَ انسٹی ٹیوٹ آف پیس اینڈ ڈپلومیٹک سٹیڈیز ءُ جموں کشمیر وائس آف وکٹمز ءِ چیردستی ءَ اسلام آبادءَ کشمیر ایشو ءِ سرءَ بوتگیں مراگشءَ گون تران کنانءَ کتگ۔ اے موھءِ سرءَ مقبوضہ کشمیر ءَ چہ سیادی داروکیں حریت رہنما ظفر اکبر بٹ، آل پارٹیز حریت ءِ رہنما محمود احمد ساغر، صدر انسٹی ٹیوٹ آف پیس اینڈ ڈپلومیٹک سٹیڈیز فرحت آصف، آزاد ریاست جموں ءُ کشمیرءِ پیسرگیں وزیر فرزانہ یعقوب ، چیئرمین شعبہ بین الاقوامی تعلقات نمل ڈاکٹر عدنان سرور خان ءَ ھم تران کتگ وھدے کہ جموں ءُ کشمیر سالویشن موومنٹ ءِ وائس چیئرمین الطاف احمد بٹ، مسعود شریف خٹک ، سینیٹر اسماعیل بلیدی، مشتاق عسکری ، سردار عظیم ءَ ھوار درملکی سفارتکار، سول سوسائٹی ءُ علم ءُ لبزانکءُ وانگءُ زانگءِ پڑءَ چہ سیادی داروکیں مردم مزنیں کساسے ءَ ھوار بوتگ اَنت۔
