اسلام آباد۔ 08فروری (اے پی پی) پاکستان مسلم لیگ(ن) اسلام آبادءِ سینئر رہنما بیگم شاہدہ قدیر ءَ گشتگ کہ نواز شریف ءِ سروکی ءَ مسلم لیگ(ن) ءِ حکومت ءَ ملک ءُ راج ءَ را جیڑھءُ جنجالانی شردءَ چہ درکتگ۔ شریف براتی ءِ سوبمندیں پالیسی ءِ برکتءَ پاکستان دیمروئی ءِ کشکءَ رھادگ اِنت۔ دُژمنانی پندلاں ابیدھم محمد نواز شریفءَ را اُلسءِ دلاں چہ درکنگ نہ بوتگ۔ آئیءَ گشتگ کہ سیاست لیب ءُ تماشا نہ اِنت بلکیں اُلسءِ ازمت کنگءِ نام اِنت ، آؤکیں گچین کاری ءِ تہا اُلس ملکی دیمروئی ءِ ھاترءَ عملی گامیگج چست کنوکاں مزنیں کساسے ءَ گوں سوبمند بہ کنت ءُ اُلس ووٹءِ وسیلگءَ چہ ردیں سیاست ءُ دروگ بندوکاں پروش بدے اَنت۔ آئی ءَ گشتگ کہ پاکستان مسلم لیگ(ن) ءِ سروکاں وتی وتی جوانیں پالیسی ءَ چہ ملکءِ تہا دیمروئی منصوبہ بندات کتگ اَنت کہ ایشانی سرجم بوھگءَ اُلس ءِ جیڑھءُ جنجال گیشءُ گیوار بوت کن اَنت، چینءِ کمک ءَ چہ سی پیک وڈیں منصوبہ ءِ سرءَ کار بندات اِنت اے منصوبہ ءِ سرجمی ءَ چہ پاکستانی راج ءِ بھت مٹ بیت، پاکستان مسلم لیگ(ن) ءَ را اُلسءِ سرجمیں ھمراھ داری گو ن اِنت، آؤکیں گچین کاری ءِ تہا پندل ساچانی وش ھیالانی دور کنگ بیت وھدے کہ اُلس پاکستان مسلم لیگ(ن) ءِ نامینتگیں اُمیت واراناں مزنیں کساسے ءَ سوبمند کنت۔
