اسلام آباد۔06فروری (اے پی پی ) مزن وزیر شاہد خاقان عباسی ءَ شنگھائی کمک تنظیم ( ایس سی او) ءِ نزیکی ءِ گیشی ءِ گامگیج ءِ ھمراھ داری کتگءُ پاک چین اقتصادی راہداری ( سی پیک ) ءَ را ایس سی او ءِ 6منظور بوتگیں کشکانی گوما ھم دپ کنگ صلہ جتگ کہ یورو ایشیا ، چین ، روس ءُ وسطی ایشیا ءَ را بحیرہ عرب ءِ گوما ھم دپ کنگءِ یک جوانیں ءُ اثر مندیں وسیلگ جوڈ بوھگءِ صلاحیت ءِ تہا باز گیشی کنت۔ آئیءَ اے گپ ایس سی او ءِ سیکریٹری جنرل راشد علیموف ءَ گوں گپ ءُ تران کنانءَ آئی ءَ سئے شمبے ءِ روچءَ مزن وزیر کارگس ءَ گندءُ نندءِ تہا کتگ۔ پاکستان ءَ را ایس سی او ءِ سرجمیں باسکی رسگءَ پد ایس سی او ءِ سیکریٹری جنرل ءِ اے پاکستانءِ اولی ترءُ تاب اِنت۔ مزن وزیر ءَ گشتگ کہ پاکستان ءِ ایس سی او ءُ آئی ءِ باسکیں ملک آنی گوما جہلیں راج دپتری دودءُ ربیدگی نزیکی ءُ ترندیں اقتصادی ءُ سٹریٹجک سیادی اَست۔
