پاکستان ءُُ چین ءِ نیام ءَ دود ءُُ ربیدگی منوگری ءِ ایگزیکٹو مراگش ءِ سرءَ دست چنگل
بیجنگ۔ 6 فروری (اے پی پی) پاکستان ءُُ چین ءِ نیام ءَ دود ءُُ ربیدگی یکوئی ءُُ دوئیں ملک آنی الس رابطہ آنی دیمروئی ءِ واستہ دود ءُُ ربیدگی منوگری ءِ ایگزیکٹو پروگرام ءِ سرءَ دست چنگل جت۔ پاکستان ءِ نیمگ ءَ وزیر ءِ مملکت اھوالکاری ءُُ شنگ کاری، راجی مڈی مریم اورنگزیب ءَ وھدیکہ چین ءِ وزیر ءِ دود ءُُ ربیدگ لوشوگانگ ءَ چین ءِ نیمگ دست چنگل جت۔ چین ءَ پاکستان ءِ سفیر ءُُ دوئیں ملک آنی ٹوھیں کارندہ اے موہ ءِ سرءَ ساڑی اتنت۔ دود ءُُ ریبدگی منوگری ءَ دوئیں ملک آنی نیام ءَ تامر ءُُ براڈ کاسنگ،آرٹ ءُُ دود ءُُ ربیدگ ، وانگ ءُُ زانگ ءُُ پٹ ءُُ پول، پریس ءُُ پبلی کیشن ،لیب ءُُ گوازی ءُُ ورنا آنی کار ءِ شوبگ ءَ کمک ھوار انت۔ منوگری ءِ چیر دستی ءَ دوئیں ملک ریڈیو، فلم ءُُ ٹیلی وڑن ءِ شوبگ ءِ شریکی آناں گیش شاھیگانی بدینت۔ دوئیں ملک اھوالکاری پڑ ءَ وت مہ وتی دیگ ءُُ زورگ ءِ کار رپک ءِ سر ءَ کار کن اَنت ایشی ءَ چہ ریڈیو پاکستان ءُُ چائنہ ریڈیو انٹرنیشنل ھال آں وت مہ وت دیگ ءُُ زوگ کن اَنت۔ چین ءُُ پاکستان دود ءُُ ربیدگی ءُُ سوگات ھم دیوکائی ھم کنگ بیت ءُُ یک ءِ دومیگ ءِ ملک آنی نماش ھم جنگ بیت۔ منوگری ءِ چیر دستی ءَ دوئیں ملک آنی ازمکار یک ءِ دومیگ ءِ گوما تجروبت آں چہ نپ چست کت کن اَنت اے رد ءَ دوئیں نیمگ ءَ دلبڈی رسیت۔ آرٹ گیلریز،تھیٹرز ءُُ دود ءُُ ربیدگی مڈی ءَ چہ دوئیں ملک آنی دونیمگی بنیات نپ ءُُ سیت چست کت کن اَنت۔ منوگری ءِ چیر دستی ءَ لوک مڈی چین ءَ پاکستان ی دود ءُُ ربیدگی ازم ءُُ دستکاری ءِ یک ھپتگی نماش ءِ جنگ بیت۔ نماش آنی مول ءُُ مراد پاکستان ءُُ چین ءِ الس ءَ را یک ءِ دومیگ ءِ گوما دود ءُُ ریبدگ، دستکاری آنی بابت ءَ سرپد کنگ اِنت۔ دوئیں ملک آں وانگ ءُُ زانگ ءِ شوبگ ءَ کمک کنگ ءُُ یک ءِ دومیگ ءِ نودربر آناں وانگ ءُُ زانگی وظیفہ دیگ اِنت۔ پریس اینڈ پبلی کیشن ءِ شوبگ ءَ کمک ءِ واستہ شش کسی ڈل یک ءِ دومیگ ءِ ملک ءِ تر ءُُ تاب ءَ کن اَنت تانکہ شنگ کاری ادارگ دوئیں ملک آنی تہ ءَ میاں اوستمانی کتاب میلہ ءَ بھر زوری کت بکن اَنت۔ لیب ءُُ ورنا آنی کار ءِ شوبگ ءَ ھم یکوئی آناں دیمروئی دیگ بہ بیت، اے رد ءَ ورنا آں 100کسی ڈل دوئیں ملک آنی تر ءُُ تاب ءَ کن اَنت۔
