کوئٹہ۔5فروری( اے پی پی) پنجگوبازار ءَ کامران مینگل ءِ گاڑی ءِ سر ءَ ریموٹ کنٹرول بمب تراک، کسانیں برات سلیمان اسماعیل بیران، کامران مینگل ءُُ آئی ءِ نزیکیں سیاد بشیر، عمر جان ءَ ھوار ھپت مردم سک باز ٹپیگ بوت اَنت، ٹپیگ آنی تہ ءَ یک کسانیں زھگ ءِ ھم ھوار اِنت، گاڑی ءَ را سک باز تاوان رست۔ پولیس ءِ رد ءَ تراک کامران مینگل ءِ گاڑی ءِ سر ءَ کنگ بوت ۔ بمب موٹر سائیکل ءِ سرءَ چیر کنگ بوتگ اَت، ناشُناسیں مردم ءَ موٹر سائیکل پنجگور ءِ شہدا چوک بسم چوگک ءِ نزیک ءَ حبیب بینک ءِ کارنر ءَ ٹائر ءِ دُکان ءِ دیم ءَ اوشتارینتگ اَت وھد ءِ کامران مینگل ءِ گاڑی ادا چہ گوست گڈا ٹوھیں تراک ءِ بوت ایشی ءِ نتیجگ ءَ کامران مینگل ءِ گاڑی ءِ سر ءَ سواریں آئی برات سلیمان اسماعیل بیران بوت ءُُ کامران مینگل ، عمر جان ،شہباز ءَ را ایف سی ہسپتال ءَ روان دیگ بوت ایش سک باز ٹپیگ ءُُ زیمیگ اَنت۔
