اسلام آباد۔05 فروری (اے پی پی) مزن وزیر شاہد خاقان عباسی ءَ گوشت کہ یوم یکوئی کشمیر ءِ موہ ءَ آزات کشمیر کانود جوڑ کنوکیں اسمبلی ءُُ کشمیر کونسل ءِ یکجائی دیوان ءَ گشتانک دیگ منی واستہ لائک ءِ ستا اِنت، شما یک انچیں راجے ئے نماھندگی ءَ کنگ ءَ اِت کہ آئی ءَ بے ھساب کربانی داتگ مئے دُرستانی واستہ لائک ءِ توسیپ اِت مارا جد ءُُ جہد آزاتی ءَ دزگٹیں مردم آنی مشکلہ آنی سما کنگی اِنت حکومت پاکستان کشمیر ءِ جیڈھ ءَ را ایمنی ءَ گیواری ءُُ آزاتیں کشمیر ءِ دیمرؤی ءِ واستہ کوشست کنگ ءَ آں پاکستان ءِ مردم آنی دل کشمیر ءِ مردم آنی گوما ھواری ءَ جن اَنت ءُُ سدانی سال ءِ ایش کوھنیں سیادی مُدام برجا مان ایت آئی ءَ گوشت کہ حکومت ءَ آزات کشمیر ءِ بجٹ ءُُ دیمروئی بجٹ ءَ را دو سر کتگ وھدیکہ مانسہرہ ءَ چہ مظفر آباد ءَ تاں سڑک ءِ منصوبگ سی پیک ءَ ھوار کنگ بوتگ۔
