اسلام آباد۔ 05 فروری (اے پی پی)صدر مملکت ممنون حسین ءَ گوشت کہ سر ڈگار کشمیر ءِ جنز ءَ را بدنا م کنگ ءِ واستہ بھارت مُدام کوڑاھیں پندل زور ایت۔ تاجگیں اھوال آنی رد ءَ انوں دُگنیا ءِ بازیں بھر آنی تہ ءَ استیں ناشرکار آناں کشمیر ءِ تہ ءَ آرگ ءِ کوشست کنگ بوھگ ءَ اِنت تانکہ راستیں آزاتی ءِ جنز ءَ ءَ چیر تلینگ بہ بیت۔ اے منصوبگ سک باز ترس ناک اِنت ایشی ءِ نتیجگ ھتر ناک اَنت۔ میاں اوستمانی برات کشمیری الس آنی وت واجئی ءِ آجو کنگ ءَ وتی کرد ءَ پیلو بکن اَنت تانکہ پڑ ءَ مھکمیں ایمنی برجا بہ بیت۔ آئی ءَ اے گپ دو شمبے ءَ ایوان ءِ صدر ءَ یوم ءِ یکجھتی کشمیر ءِ موہ ءَ برجم داشتگیں سیمینار ءَ گوشتانک دیان ءَ کت۔ اے موہ ءِ سر ءَ وزیر ءِ دیمپانی انجینئر خرم دستگیر خان، صدر آزات جموں ءُُ کشمیر سردار محمد مسعود خان،چیئرمین پارلیمانی ءُُ کشمیر کمیٹی مولانا فضل الرحمان، باسک قومی اسمبلی شفقت محمود،سینیٹر رحمن ملک، کنونیئر کل جماعتی حریت کانفرنس غلام محمد صفی ءُُ چیئرپرسن ایمنیں دود ءُُ ربیدگ کمیٹی حریت کانفرنس مشال ملک ءَ ھم گشتانک دات۔
