اسلام آباد۔05فروری (اے پی پی) الیکشن کمیشن ءَ بنجاھی حکومت ءِ سیٹ آنی سرءَ سینٹ گچین کاری ءِ ھاترءَ اُلسی نوٹس شنگ کتگ۔ الیکشن کمیشن سئے شمبے ءِ روچءَ تاں 10فروری ءَ نامینگی کاگد دست گپت۔ ریڈیوپاکستان ءِ گشگءِ ردءَ الیکشن کمیشن ءَ بنجاھی حکومت ءِ جنرل ءُ ٹیکنو کریٹ ءِ سیٹانی سرءَ سینٹ ءِ گچین کاری ءِ ھاترءَ اُلسی نوٹس جاری کتگ۔ نوٹس ءِ گشگءِ ردءَ الیکشن کمیشن سئے شمبے ءِ روچءَ تاں شمبے ءِ روچءَ نامینگی کاگد دست گپت۔ نامینگی کاگدانی چارءُ تپاس اے ماھءِ تاں 13رمسءَ سرجم کنگ بیت وھدے کہ اُمیت وارانی گڑی لڑ گوازوکیں ماھ ءِ 20رمس ءَ جاری کنگ بیت۔ گچین کاری ءِ ھاترءَ پولنگ سئے مارچءَ مزن گس اسلام آباد ءَ بیت۔
