کشمیرءِ تہا شہرآنی سرءَ بھارتی زُلمءُ زیادتی ءِ آماچ بوتگیں پی ٹی وی ءِ شنگ کتگیں سوتءَ را سک باز ساڑاھگ بوتگ
اسلام آباد۔05فروری ( اے پی پی ) پی ٹی وی ءِ سوت ’’ من اَنت کشمیر‘‘ ءَ بھارتی رھشون آنی واب ھرام کتگ اَنت۔ اے سوتءَ را سرجمیں دنیا ءِ تہا چارگ بوتگ ءُ چاروکاں ایشی ءَ را سک باز دوست کتگ۔ پاکستان ٹیلی وژن ءِ سوت ’’ من اَنت کشمیر‘‘ ءَ بھارتی حکمران آنی واب ھرام کتگ اَنت۔ پی ٹی وی ءِ تعلق داری پڑ ءِ گشگءِ ردءَ مقبوضہ کشمیر ءِ تہا شہرآنی سرءَ زُلمءُ ناھکی کنوکیں بھارت ءِ زُلمءُ ناھکی ءَ را دنیاءِ دیمءَ آرگ ءِ ھاترءَ اے سوت کشمیرءِ یکوئی ءِ موھءَ پی ٹی وی ءَ سرجمیں دنیاءِ تہا شنگ کتگ کہ آئی ءَ را سک باز ساڑاھگ بوتگ۔ سوتءِ پش درءَ بھارتی اُردانی زُلمءُ ناھکی ءِ ندارگ پیش دارگ بوتگ۔ سوتءِ تہا کشمیری اُلس ءِ جزبگ باز زیبائی ءِ گوما ندارگ کشی کنگ بوتگ۔ سالاں پد اے وڈیں سوتے یک جوانیں ءُ جتاھیں دابے ءَ پیش کنگ بوتگ ءُ اُمیت کنگ بوھگ ءَ اِنت کہ باز زوت اے سوت نامداریں سوتانی تہا ھوار بیت کہ اُلس ءِ دلءُ دماگاں مدتاں است بوھگءَ ھوار آھانی زبانانی ھم زینت جوڈ بیت۔ اے سوت ایلیسیا ڈیاس ءَ وتی وشیں توارءَ جتگ۔ وھدے کہ ایشیءِ ڈائریکٹر نین مانیئر اِنت۔
