اسلام آباد۔05فروری (اے پی پی ) دوشمبے ءِ روچءَ پنچ فروری ءِ روچءَ پاکستان آزاد جموں ءُ کشمیر ءُ گلگت بلتستان ءَ ھوار سرجمیں دنیاءَ کشمیر ءِ روچءِ یکوئی ءَ گوازینگ بوتگ۔ ایشیءِ مول ءُ مراد کشمیرءِ معصومیں کشمیر آنی امنءُ ایمنی ءَ جدوجہد کنگءِ ھمراھ داری کنگ اِنت۔ کشمیر ءِ یکوئی ءِ روچءِ موھءَ سھبءِ 10بجءَ سائرن توار کتگءُ یک ملنٹءِ ھاموشی کنگ بوگ وھدے کہ ہالہ پل، منگلا پل ءَ ھوار دگہ نزیکی پل آنی سرءَ انسانی دستاں چہ یک دراجیں زمزیلے ھم جوڈ کتگ۔ کشمیرءِ یکوئی ءِ روچءِ درگتءَ بنجاھی حکومت ءَ مراگش کنگ بوتگ کہ آئیءِ تہا چاریں صوبہ آں ھوار گلگت بلتستان ءُ آزاد کشمیر ءَ چہ سیادی داروکیں مردماں مزنیں کساسے ھوار ی کتگ۔ اے روچءِ درگتءَ چہ سرجمیں ملک ءَ چہ کسانیں مزنیں شہر ، میتگءُ کوچگاں ھم بازیں مراگشے کتگ کہ آئی ءِ تہا سرکاری ، درسرکاری ادارگءُ سول سوسائٹی ءِ نیمگءَ چہ بازیں مراگش، واکس ، ٹاک شوز ءَ ھوار روانک ءُ دگہ مراگش کنگ بوتگ۔
