اسلام آباد ۔ 04 فروری (اے پی پی) اقوام متحدہ ءَ پاکستان ءِ مستقل مندوب ملیحہ لودھی ءَ اقوام متحدہ ءِ سلامتی کونسل ءَ مستر ءُُ دراج کشیں باسکی ءِ واھشت ایگیں ملک بھارت، برازیل، جرمنی ءُُ جاپان ءَ را ترندیں شرگداری کنان ءَ گوشت کہ سلامتی کونسل ءَ اصلاحات ایوک ءَ جمہورییت ءِ بنیات ءَ بہ بنت۔ پاکستان اِچبر ملک آنی زاتی نپ آنی سرجمی ءِ کمک ءَ نہ کنت۔ گوستگیں روچ ءَ سلامتی کونسل اصلاحات آنی سر ءَ حکومت آنی نیام ءَ باست ءُُ واست آ نی تہ ءَ ھیالانی درشانی کنان ءَ اقوام ءِ متحدہ ءَ پاکستان ءِ پکوئیں مندوب ملیحہ لودھی ءَ بھارت، برازیل ءَ ھوار سلامتی کونسل ءِ پکوئیں باسکی ءِ لوٹ کنان ءَ ملک آنی جیڈھ چست کت ءُُ گوشت کہ سلامتی کونسل ءَ اصلاحات جمہوریت ءِ بنیات ءَ بہ بیت۔ آئی ءَ گوشت کہ استیں گلوبل راستی آنی بنیات ءَ سلامتی کونسل ءَ پکوئیں باسکی ءِ لوٹ کنوکیں ملک آناں ترندیں شرگداری ءِ نشانگ بندگ ءِ گوشت کہ راستی مُدام وھد ءِ گوما مٹ بوھان بنت۔
