اسلام آباد ۔04 فروری (اے پی پی)مزن وزیر شاہد خاقان عباسی ءَ یک شمبے ءَ گولن گول ہائیڈ روپاور پراجیکٹ ءِ بنگیج کت ءُُ منصوبگ ءِ اولی یونٹ ءِ سرجمی ءَ چہ چترال ءُُ ایشی ءِ کش ءُُ کر ءِ دمگ ءَ 36مگاواٹ توان ءِ پُجاری بیت۔ مزن وزیر کارگس ءَ چہ جاڑی بوتگیں بیان ءِ رد ءَ 2015ءَ چترال ءَ سیلاپ ءَ پد بُنجاھی حکومت ءَ واپڈا ءَ را پنت ءُُ شون کت کہ چترال ءُُ ایشی ءِ کش ءُُ کر ءِ دمگ ءَ ھاٹیگ ءِ ضلورت ءَ را سرجم کنگ ءِ واستہ گولن گول منصوبگ زوتاں زوت سرجم کنگ بہ بیت۔ منصوبگ ءَ چہ پیداک بوتگیں توان چترال ءِ ھاٹیگ ءِ ضلورت ءَ چہ سئے سرئی گیش انت ایش آیوکین باندات ءِ ضلورت ءَ را سرجم کنت۔ گولن گول ہائیڈروپراجیکٹ ءَ چہ چترال ءَ دیمروئی ءُُ وشھالی ءِ نوکیں زمانگ ءِ بندات بیت ءُُ ایشی ءَ چہ چاگردی ءُُ اقتصادی دیرموئی ءَ کمک رسیت۔ مصنوبگ ءَ چہ پیداک بوھوکیں توان نا ایوک ءَ چاگرد دوست اِنت بلکینگ ءَ ایندگہ آسراتی ءَ چہ پیداک بوھوکیں توان ءِ مٹ ءَ سک باز سستا رسیت۔ منصوبگ ءِ پی۹ سی ون ءِ رد ءَ ایشی ءِ سءَ ھرچ ءُُ درچ ءِ کساس 29 ارب کلدار جنگ بوتگ ایش واپڈا ءِ وتی آسراتی، امریکی ادارگ برائے میاں اوستمانی دیمروئی (یو ایس ایڈ)، سعودی فنڈ فار ڈویلپمنٹ ، کویت ڈویلپنمٹ فنڈ ءُُ او پی ای سی فنڈ فار انٹرنیشنل ڈویلپمنٹ ءِ وت مہ وتی یکجائی ءَ چہ پُجاری کنگ بوھگ ءَ اِنت۔
