اسلام آباد ۔ 04 فروری (اے پی پی) بُنجاھی وزیر منصوبگ بندی ءُُ دیمروئی احسن اقبال ءَ گوشت کہ چین پاکستان اقتصادی راہداری (سی پیک) ءِ رنگ ءَ پاکستان ءَ را کدرت ءَ یک ٹوھیں موہ ءِ داتگ ایشرا پیسرگیں مزن وزیر نواز شریف ءَ وتی اولی تر ءُُ تاب چین ءِ ساھت ءَ گپ ءُُ تران ءِ سر ءَ پکوئیں رنگ دات۔ سی پیک ءِ منصوبگ جولائی 2013 ءَ کاگد ءِ ٹکر ءِ مسل ءَ بوتگ ایش مرچی سرجمیں ملک ءَ ارباں ڈالر ءِ سرمایہ کاری ءِ رنگ ءَ پکوئیں گواچن ءِ جوڑ بوتگ۔ 2019 ءَ چہ 2020ءِ ساھت ءَ کراچی ءَ چہ پشاور موٹر وے سرجم بوت کنت ایش پاکستان ءِ معشیت ءِ واستہ سرین ءِ ھڈ سہرا بیت۔ اے منصوبگت ءَ چہ نا ایوک ءَ ملک ءِ توکی سرگ ءِ تہءَ آسانی بیت بلکینت ءَ اے پاکستان ءَ را چین، اوگانستان ءُُ نیامی ایشیا ءَ گوں ملارینگ ءَ ٹوھیں کرد ءِ پیلو کنت۔ آئی ءِ گوشگ اَت ککہ ملتان ءَ چہ سکھر موٹروے ءِ منصوبگ کساس 400کلومیٹر انت ایشی ءِ سر ءَ 300 ارب کلدار کساس ھرچ ءُُ درچ بیت، امیت اِنت کہ 15مئی ءَ تاں ملتان ءَ چہ شجاع آباد ءَ تاں ءُُ سکھر ءَ چہ گھوٹکی ءَ تاں سیکشن سرجم کنگ بیت۔ اے ھیالانی درشانی آئی ءَ ملتان ءَ ملتان۔ سکھر موٹروے منصوبگ ءِ چار ءُُ تپاسی ءِ موہ ءَ میڈیا ءَ گو ں گپ ءُُ تران ءِ ساھت ءَ کت۔ احسن اقبال ءَ گوشت کہ استیں حکومت ءِ ساھت ءَ کساس 1600کلومیٹر ءَ تاں موٹر ویز ءِ جوڑیشت کنگ بوھگ ءَ اِنت وھدیکہ 2013 ءَ چہ پیسر پاکستان ءَ کساس 550کلومیٹر ءِ موٹر ویز است اَنت۔ 1600کلومیٹر ءَ گیش موٹر ویز ءِ جوڑیشت ءِ منصوبگ ءَ چہ پاکستان کساس 2200کلومیٹر موٹر ویز ءِ جوڑیشت ءَ کنت۔ آئی ءَ گوشت کہ ضلورت اے گپ ایگ اِنت کہ ما ملک ءَ امن ءُُ برجائی ءَ مھکم بدار اَنت اگاں ما ایمنی برجائی ءُُ دیمروئی ءِ سپر ءَ را برجابدار آں گڈا انشااللہ تعالیٰ 2025ءَ تاں ما دُگنیا ءِ اولی 25معشیت آنی تہ ءَ ھوار باں۔
