اسلام آباد۔یکم فروری (اے پی پی) دری کارانی وزیر خواجہ محمد آصف ءَ گشتگ کہ پاکستانءُ اوگانستان دونیمگی اوستءِ وسیلگءَ ناشرکاریءِ ھلاپ ءَ جنگ ءَ را سوبمندیءِ گوما کُت کن اَنت۔ پنچ شمبے ءِ روچءَ کابل ءَ انوگیں ناشرکاری اُرشانی تہا بیران بوتگیں مردمانی بیرانی ءِ سرءَ دلپدردی درشانی ءِ مولءُ مرادءَ اسلام آبادءَ اوگان سفارتخانہ ءِ ترءُ تابءَ پد روہتاک نویساں گوں گپءُ تران کتگءُ دری کارانی وزیرءَ گشتگ کہ اے وڈیں وئیل مارا ناشرکاری ءِ ھلاسی ءِ ھاترءَ نزیکیں کمک ءِ ضلورتءِ یاتءَ گیج اَنت۔ آئیءَ گشتگ کہ دوھیں ملک آناں نزیکءَ آرگ ءَ سئمی پارٹی لھتیں ھدے ءَ کمک کت کنت بلے پدا ھم پاکستانءُ اوگانستان ءَ را جیڑھءُ جنجالاناں گرءُ دار کنگءِ ھاترءَ یک جاھءَ کار کنگ لوٹ ایت۔ آئیءَ گشتگ کہ دوھیں ملک خطہ ءِ تہا امنءُ ایمنی ءِ ترندیں واھشتءَ دار اَنت۔ خواجہ محمدآصف ءَ گشتگ کہ ناشرکاری ءِ ھلاپ مہم مئے یکجائی جنگ اِنتءُ مہ یکجاھ اے جنگءَ کن اَنت۔
