اسلام آباد۔ یکم فروری ( اے پی پی) مزن وزیر شاہد خاقان عباسی ءَ گشتگ کہ براڈبینڈ ءِ آسراتی زوت سرجمیں ملکءَ دست کپیت ، ڈیجی سکلز پروگرام ءَ چہ روزگارءِ 10لکھ ءَ چہ گیش ءِ موھ پیداک بنت، منی نزیکءَ راجی سلامتی ءِ بزانت ھرچ ورناھءَ را روزگار پھجارینگ اِنت، صنعت ءُ ادارگ آنی تہا جدید ٹیکنالوجی ءَ چہ پاھدگ ءِ وسیلگءَ چہ ھرچہ ءِ تہا کمی ءَ ھوار گہتریں نتیجگ ءِ الم ءَ ھاصل کنگ بنت، حکومت ادارگ آنی تہا جدید ٹیکنالوجی ءِ کارمرزی ءَ ر اگیش کنگءِ ھاترءَ کار کنگ ءَ اِنت۔ آ پنچ شمبے ءِ روچءَ ورچوئل یونیورسٹی ءُ ہائرایجوکیشن کمیشن ءِ شریداری ءَ چہ ورناھ آنی ھاترءَ بندات کتگیں ڈیجی سکلز پروگرام ءِ ردءَ 10ہزار ءَ چہ گیش ورناھ آناں بازیں کورس آنی تہا تربیت پھجارینگ بیت وھدے کہ 10لکھ ءَ چہ گیش روزگارءِ نوکیں موھ پھجارینگ بنت ۔ آئی ءَ گشتگ دنیا ءِ تہا ڈیجیٹل ءِ پڑءَ گشادی ءَ گوں مٹءُ بدلی بوھگءَ اِنت ءُ مارا اے مٹءُ بدلیءِ رپکءَ گوں رؤگ لوٹ ایت۔ آئیءَ ملکءِ تہا انفارمیشن ٹیکنالوجی ءِ پڑءَ دیمروئیءِ ھوالگءَ انفارمیشن ٹیکنالوجی ءِ وزارت ، ہائرایجوکیشن کمیشن ، ورچوئل یونیورسٹی ءِ مزنیں حکامءَ ھوار بازیں پڑآں چہ سیادی داروکیں مردم ھوار بوتگ اَنت۔
