نیوٹیک ءِ سُرءُ پُرآناں گیش کنگءِ ھاترءَ استیں آسراتی ءُ بنکی ڈھانچہ ءَ چہ سرجمءَ پاھدگ ءُ نجی پڑ ءِ گوما شریداری ءَ را گیش مھکم کنگ بہ بیت
اسلام آباد۔یکم فروری (اے پی پی ) مزن وزیر شاہد خاقان عباسی ءَ مارکیٹ ءِ لوٹ ءَ ر ا پیلو کنگءُ بازیں ادار گ آنی تہا کسبی تربیت ءَ را الم کنگءِ ھاترءَ نیشنل ووکیشنل اینڈ ٹیکنیکل ٹریننگ کمیشن (نیوٹیک) ءَ را نجی پڑ ءِ گوما وتی شریداری ءَ مھکم ءِ سرءَ زور پِرداتگ ءُ گشتگ کہ نیوٹیک ءِ سُرءُ پر آناں گیش کنگءِ ھاترءَ استیں آسراتی ءُ بنکی ڈھانچہ ءَ چہ سرجمی ءَ پاھدگ چست کنگ بہ بیت۔ آئیءَ اے گپ پنچ شمبے ءِ روچءَ مزن وزیر کارگس ءَ نیوٹیک ءِ ھوالگءَ شونشت داتگءُ گشتگ ۔ وانگءُ زانگءِ ملکی وزیر بلیغ الرحمان ، وانگءُ زانگءِ سیکریٹری عامر اشرف خواجہ ، نیوٹیک ءِ ایگزیکٹو ڈاریکٹر ذوالفقار احمد چیمہ ءُ دگہ حکام ھم اے موھءِ سرءَ ساڑی بوتگ اَنت۔ ایگزیکٹو ڈائریکٹر نیوٹیک ذوالفقار علی چیمہ ءَ مزن وزیرءَ ورناھ آنی ھاترءَ مزنیں معیارءِ کسبی تربیت ءُ ہنر مند جوڈ کنگءِ ھاترءَ وتی ادارگءِ کردءُ کارانی ھوالگءَ سرپد کتگ۔ آئیءَ مز ن وزیرءَ راھال داتگ کہ کمیشن ءِ مربوط کوشستانی سوبءَ سال2017-18ءِ تہا تربیت زوروکیں مردمانی کساس چاردرسد گیش بوتگ۔ اے وھدءَ کمءُ گیش یک لکھ ورناھ آناں مارکیٹ ءِ لوٹءُ جدید رحجانات ءِ ردءَ بازیں پڑآنی تہا تربیت دیئگ بوھگءَ اِنت۔ آئی ءَ سی پیک منصوبہ ءَ چہ پد پیداک بوتگیں روزگار ءِ نوکیں موھ آناں دیم ءَ ایر کتگءُ نیوٹیک ءِ آؤکیں منصوبہ آنی ھوالگءَ مزن وزیر ءَ را سرپد کتگ۔ مزن وزیر شاہد خاقان عباسی ءَ نیوٹیک ءِ کوشستاناں ساڑاتگ ءُ نیوٹیک ءِ سُرءُ پر آناں گیش کنگءِ مول ءُ مراد ءِ ھاترءَ استیں آسراتی ءُ بنکی ڈھانچہ ءَ چہ سرجم ءَ پاھدگ چست کنگءِ ضلورتءِ سرءَ زور پِرداتگ تنکہ گیشاں چہ گیش ورناھ ھاس مزن وزیر ءِ یوتھ سکلز ڈویلپمنٹ پروگرام ءِ ردءَ حاسل آسراتی ءَ چہ پاھدگ چست کت بہ اَنت۔ مزن وزیر ءَ نیوٹیک ءِ سرءَ زور پِرداتگ کہ آ نجی پڑ ءِ گوما وتی شریداری ءَ را گیش مھکم جوڈ بہ کن اَنت تنکہ مارکیٹ ءِ لوٹ پیلو بہ بیت ءُ سرجمیں ملک ءِ بازیں ادارگ آنی تہا معیاری کسبی تربیتءَ را الم کنگ بہ بیت۔
