اسلام آباد۔31جنوری (اے پی پی) ھال ءُ اھیوال کاری ءُ شنگکاری، راج دپتری ءُ لبزانکی ورثہ مریم اورنگزیب ءَ گشتگ کہ عمران خان ءُ پرویز خٹک وتی نابودی ءِ زمہ داری ءَ را بنجاھ ءِ سرءَ دور مہ دنت، وتی پروش ورگ ءِ بارءَ را دیگرے ءِ سرءَ دور ءَ شما اُلسی احتسابءَ چہ نہ کھگ اِنت، عمران خانءِ 350ڈیم جوڈ کنگءِ گپ کجا شُت، آ درسیں ڈیم کجام سیارہ ءِ سرءَ جوڈ بوھگءَ اَنت؟ پرویز خٹک دگہ جاھءَ دگہ گپ کنتءُ عمران خان ءِ گوما نندیتءُ دگہ گپ کنت، عمران خان بجلی ایم او یو ءَ چہ نہ بجلی ءِ کارجاھ جوڈ کنگءَ چہ جوڈ بیت۔ چارشمبے ءِ روچءَ وتی بیانءِ تہا آئیءَ گشتگ کہ سرجمیں راج سرپد اِنت کہ تحریک انصاف خیبر پختونخوا ءَ اُلس ءِ ازمت کنگءَ ناکام بوتگ۔ ملکی وزیر مریم اورنگزیب ءَ گشتگ کہ آ وھدءَ کہ تو کنٹینر جوڈ کنگءَ بوتگ اِت بنجاھی حکومتءُ پنجاپ حکومت پاکستانءِ اُلسءِ ھاترءَ ترانائی ءُ بجلی ءِ منصوبہ جوڈ کنگءَ بوتگ کہ مرچی ءَ سرجم بوھگءَ اَنت۔ آئیءَ گشتگ کہ شہباز شریف ءَ چہ کستءُ کینگ دارگءِ بدل ءَ عمران خان محنت ءِ عادتءَ بہ کنت ءُ اُلس ءِ اِزمتءِ جزبگءَ پیداک بہ کنت۔عمران خان یک ھم منصوبہ ءِ نامءَ بہ گش کہ آ چارسال ءِ تہا بندات کتگءُ آ سرجم بوتگ۔
