اسلام آباد۔31جنوری (اے پی پی) مزن وزیر شاہد خاقان عباسی ءَ گشتگ کہ پاکستان اقتصادی کمک تنظیم ءِ باسکیں ملک آنی گوما دونیمگی ءُ دراج بھریں کمکءَ را گیش کنگءِ ھاترءَ جزم کتگ، بیپاری ءِ تہا گیشی ، دمگی نزیکی، سیلءُ سواد ءَ را گیش کنگءُ مردمانی نیامءَ نزیکی ءَ را گیش کنگءِ پڑآنی تہا ای سی او ءِ باسکیں ملک آنی نیامءَ بازیں امکان اَست۔ آئیءَ اے ھیالانی در شانی چار شمبے ءِ روچءَ اقتصادی کمک تنظیم ءِ سیکرٹری جنرل سفیر حلیل ابراہیم آککا ءَ گوں مزن وزیر گسءَ گندءُ نند کنانءَ کتگ۔ اقتصادی کمک تنظیم ءِ سیکرٹری جنرل ءُ آئیءِ ھمراھ گندءُ نند کنگءِ ھاترءَ آھوکیں ڈل ءَ را وش اَتک کتگءُ مزن وزیر شاہد خاقان عباسی ءَ گشتگ کہ پاکستان اقتصادی کمک تنظیم ءِ باسکیں ملک آنی گوما دونیمگی دراج بھریں کمک ءَ را گیش کنگءِ ھاترءَ جزم کتگ۔ آئی ءَ گشتگ کہ تنظیم ءِ پلیٹ فارم ءِ وسیلگءَ چہ دمگی مھکمی ءُ دراج بھریں کمکءَ را گیش کنگءَ پاکستان ءِ جوانیں کرد ءِ پیلو کنگ ءِ جزم کتگ۔
