اسلام آباد۔31جنوری (اے پی پی) ملک ءِ صدر ممنون حسین ءَ گشتگ کہ اسلامی کمک تنظیم ( ای سی او) ءِ خطہ ءِ دراھیں ملک آنی لیگل سیفٹی ءُ سکیورٹی ءَ را سائبر کرائم وڈیں یکجائی جیڑھءُ جنجالانی دیمپانی کنگ بوھگءَ اِنت ، یک اثر مندیں جوڈیشل کمک خطہ ءِ سیکورٹی ، مھکمی ءُ اقتصادی گہتری ءِ تہا ھاسیں کرد پیلو کنت، دیمروئی ءُ ءِ ھاترءَ باسکیں ملک آنی نیامءَ ٹرانسپورٹ ءُ مواصلات، انفراسٹرکچر ءَ را ترندءُ مھکم کنگ، بیپاری ءُ زرکاری ءَ را آرزان کنگءُ ھاسیں پڑآنی ہتا دلگوشی ءِ ضلورت اِنت۔ اے ھیالانی درشانی آئی ءَ ای سی او ملک آنی اٹارنیز /پراسیکیوٹرز جنرل ءِ ڈل ءَ گوں گپءُ تران کنانءَ کتگ کہ آھاں چارشمبے ءِ روچءَ ایوان صدرءَ سیکریٹری جنرل ای سی او حلیل ابراہیم آکا ءِ سروکی ءَ ملک ءِ صدرءَ گوں گند ءُ نند کتگ۔ ملک ءِ صدر ءَ گشتگ کہ ای سی او خطہ شمال ءُ جنوب ءُ یورپ ءُ ایشیا ءِ نیامءَ یک بندے ءِ کردءِ پیلوکنگءِ زانتکاری ءَ داریت۔ ادارہ جاتی ءُ اُلسی تک ءَ نزیکی خطہ ءِ ھاترءَ مزنیں ارزشتے داریت۔
