اسلام آباد۔31جنوری ( اے پی پی) راج دپترءُ لبزانکی ورثہ ءِ ھاترءَ مزن وزیر ءِ صلہ کار عرفان صدیقی ءَ گشتگ کہ پاکستان ءُ چین ءِ دونیمگی دوستی سک باز ترندءُ مھکم اِنت کہ اے دنیاءِ تہا یک درورے لیکگ بوت کنت۔ آئی ءَ اے گپ اُلسی جمہوریہ چین ءِ سفیر یاؤجنگ ءَ گوں گپءُ تران کنانءَ کتگ کہ آھاں چارشمبے ءِ روچءَ راج دپتر ءُ لبزانکی ورثہ ڈویژن ءَ گندءُ نندءِ تہا کتگ۔ عرفان صدیقی ءَ چین ءِ نوکیں سفیر ءَ را پاکستان آھگءَ وش اَتک کتگءُ اُمیت درشان کتگ کہ دوھیں ملک آنی نیامءَ کمک ءَ را ترندءُ مھکم کنگءُ علمی ، لبزانکی ءُ دودءُ ربیدگی سیادی ءَ را گیش کنگءَ کمک دنت۔ عرفان صدیقی ءَ چینی سفیر ءَ را وتی ڈویژن ءِ ردءَ بازیں ادارگ آنی مولءُ مراد ءُ سرءُ پراں چہ سرپد کتگ۔
