اسلام آباد ۔ 31 جنوری (اے پی پی) مزن وزیر شاہد خاقان عباسی ءَ وانگ ءُُ زانگ ءِ دیمروئی ءِ ھاترا حکومتی جزم ءِ درشان کنان ءَ گوشت کہ بنی آدمی مڈی آنی دیمروئی ءَ ابید اِچ چاگرد دیمروئی کت نہ کنت وھدیکہ ناشرکاری، جنگ ءُُ چوپ ءَ ھوار ایندگہ ھرابی آں چہ رکھگ ءَ ھم وانگ ءُُ زانگ کمکار سہرا بیت، بے نظیر انکم سپورٹ پروگرام ءِ ’’وسیلہ وانگ ءُُ زانگ‘‘ مراگش ءَ 50 ضلع آں تاں سر کنگ دل یکیمی اِنت۔ آئی ءَ اے گپ چار شمبے ءِ روچ ءَ ادا بینظیر انکم سپورٹ پروگرام (بی آئی ایس پی) ءِ چیر دستی ءَ مزن وزیر وسیلہ وانگ ءُُ زانگ پروگرام ءِ شاھگان کنگ ءِ مراگش ءَ گشتانک دیان ءَ کت۔ مزن وزیر وسیلہ وانگ ءُُ زانگ پروگرام ءَ را ملک ءِ 50ضلع ءَ تاں شاھیگان کنگ بیت ءُُ گیش 10لکھ زاھگ آناں سکول ءَ داخل کنگ بیت وھدیکہ پروگرام ءِ چیر دستی ءَ اولی بھر ءَ 19لکھ زاھگ سیت مند بنت۔ اے موہ ءِ سر ءَ مزن وزیر شاہد خاقان عباسی ءَ ملک ءِ جتا جتائیں ضلع آنی تہ ءَ، شہر ءُُ ایندگہ کوچگ آں گوں سیادی داروکیں زھگ آناں داد دات۔ اے زھگ آں پروگرام ءِ چیر دستی ءَ وتی وانگ ءُُ زانگ ءِ در جنگ ءَ جوانیں کرد ءِ درشان کت۔ مراگش ءَ گشتانک دیان ءَ مزن وزیر شاہد خاقان عباسی ءَ گوشت وسیلہ وانگ ءُُ زانگ پروگرام ءِ 50ضلع آں تاں سر کنگ مئے نئے واستہ وشی ءِ گپ اِنت۔ آئی ءَ گوشت کہ امیت اِنت کہ ایوارڈ در جنوکیں زھگ ءُُ آنی ءِ برات ءُُ گہار ھم زانت ءُُ زانش سِک اَنت۔ مزن وزیر ءَ اے جزم ءِ درشان کت کہ اِچ زھگ وانگ ءُُ زانگ ءِ در جنگ ءَ پشت مہ کپیت تانکہ آ ملک ءُُ چاگرد ءِ سرءَ بوجھ مہ بنت۔ آئیءَ گوشت کہ مئے دین ھم مارا زانت ءُُ زانش ءِ در برگ ءِ سر ءَ زور پر دنت۔ مزن وزیر ءَ گوشت کہ لوگی زالبول وانشت ءِ ارزشت ءَ پھم آن ءَ وتی زھگ آنی وانگ ءِ سرجم کنگ ءَ مئے کمک ءَ بکن اَنت۔ ایشی ءَ چہ پیسر مزن وزیر شاہد خاقان عباسی ءَ سرجمیں ملک ءِ ضلع، شہری ءُُ دور ءُُ گستائیں دمگ آں گوں سیادی داروکیں زھگ آناں داد دات ایش مزن وزیرر ءِ وسیلہ پروگرام ءَ چہ سیت چست کنگ ءَ اَنت۔ مراگش ءَ میاں اوستمانی بینک ءِ کنٹری ڈائریکٹر، جتا جتائیں ملک آنی سفیر، بی آئی ایس پی ءِ شریکدار ءَ ھوار سول سوسائٹی ءِ جتا جتائیں شوبگ آں گوں سیادی داروکیں مردم ءُُ وسیلہ ءِ وانگ ءُُ زانگ پروگرام ءَ چہ سیت چست کنوکیں مردم آنی مزنیں کساس ءَ بھر زوری کت۔
