اسلام آباد۔یکم مئی (اے پی پی) سرجمیں دُگنیا ءَ ھوار پاکستان ءَ ھم بزگرانی روچ جوانیں رنگ ءَ یک شمبے ءِ روچ ءَ برجم دارگ بوت، ایشی ءِ مکسد بزگرانی گوما ھوری ءُُ تپاکی ءِ درشان کنگ اِنت۔ میاں اوستمانی بزگرانی روچ یکم مئی ءَ شکاگو ءِ بزگراں گوں ھوری ءُُ تپاکی ءِ رد ءَ برجم دارگ بیت ءُُ اے موہ ءَ بزگرانی کربانی ھاترا آواناں سلام پیش کنگ بیت۔ اے ھما بزگرانی کربانی ءِ سبب اِنت کہ سرجمیں دُگنیاہ ءَ بزگر وتی جنجال آں چہ کمو گین کشی ءَ کمک رستگ۔ صدر ءِ مملکت ممنون حسین ءُُ مزن وزیر محمد نواز شریف ءَ اے موہ ءِ بابت ءَ وتی وتی کلو ہ آنی تہ ءَ گوشت کہ حکومت مزور آنی شرپ ءِ سر دلیکیم اِنت ءُُ حکومت کارکنوکیں مردمانی جوانیں زندمانی ءِ آسراتی آنی پجاری ءَ تیار اِنت۔ آواں گوشت کہ حکومت ءَ مزور آنی گہبود ءِ ھاترا جوانیں گامگیج چست کتگ۔ اے رد ءَ آوانی جان سلامتی بہ بیت ، مُز ءِ تہ ءَ گیشی بہ بیت حکومت ءَ وتی المی ایں کار پھم اِتگ ءُُ گامگیج چست کتگ۔ لاہور ءَ اے روچ ءِ درگت ءَ بازیں چاگردی ءُ سیاسی گل آنی نیمگ ءَ لانگ مارچ ھم کنگ بوت۔ صوبائی دارلحکومت ءَ بازیں جاھ ءَ بینر ٹنگگ ھم بوت کہ آوانی سر ءَ مزور آنی ھک ءِ بابت ءَ دانک نبشتگ اَت۔ بلوچستان ءِ سر وزیر نواب ثناء اللہ زہری ءَ اے موہ ءِ بابت ءَ گوشت کہ صوبائی حکومت مزور آنی گہبود ءَ را سک باز ارزشت دنت۔ آئی ءَ گوشت کہ چین پاکستان اقتصادی راہداری ءِ رد ءَ پاکستان ءِ اندر ءَ شش اقتصادی زون جوڑ کنگ بوتگ ، ایشی ءَ چہ بزگرانی تہ ءَ مزنیں کساس ءَ کمیگ ءِ کئیت۔ ایشی ءَ کار در سک باز پچ بیت۔ یات دارگ بیہ بیت کہ بزگرانی میاں اوستمانی روچ ءِ درگت ءَ اے روچ ءَ را گوں جوش ءُُ جزبگ ءَ برجم دارگ بیت ءُُ مزور آنی جوانی ءِ ھاترا داتگیں کربانی آناں سلام پیش کنگ بیت۔
