کوئٹہ۔31 جنوری( اے پی پی)سر وزیر بلوچستان میر عبدالقدوس بزنجو ءَ گوشت کہ بلوچستان ءِ امن ءُُ ایمنی تباہ کنوکیں دژمناں را انجام ءَ سر کنگ بیت ،سی پیک منصوبگ ءَ ورناہاں روزگار پھجارگ الم انت،ورناء فنی تعلیم ءَ حاصل کن انت،صوبائی حکومت ءُُ بنجاہی حکومت ءِ ھواری ءَ بلوچستانءِ دگہ ضلعہاں ھم فنی تعلیم ءِ موہ رسگ بہ بیت،اے ھیالانی درشان آہاں چار شمبے ءَ بلوچستان انسٹیوٹ آف ٹیکنکل ایجوکیشن ءِ 13می سرٹیفکیٹ ءِ بہر ءُُ بانگ ءِ مراگش ءَ گوں گوشتانک دیان ءَ گوشتگ انت۔مراگش ءِ تہ کمانڈر سدرن کمانڈ لیفٹنینٹ جنرل عاصم سلیم باجوہ ،صوبائی تہی کارانی وزیر سرفراز بگٹی ،اسمبلی باسکانی تہ میر صالح بھوتانی ،زمرک خان ،میر مجیب الرحمنءِ ھوار دگرءَ بھر زوراتگ۔سروزیر بلوچستان میر عبدالقدوس بزنجو ءَ گوشت کہ بلوچستان ءِ ورناء فنی تعلیم ءَ گوں ہنگرنچ کنگ ءِ سرا پاک اُردو ءِ کرد ستا ءِ لائق انتءُُ وشھال بلوچستان مراگش ءِ تہ بلوچستان انسٹیوٹ آف ٹیکنکل ایجوکیشن ءِ تعلیم سرجم کنوکیں نودربرانی ھاسیں کرد بیت۔آہاں گوشت کہ مردمی تاگت مئے درستاں چہ مزنیں ھاٹیگ انتءُُ فنی تعلیمءَ گوں ہمگرنچ ورناء ءَ را درملکءَ روزگار ءِ گہتر موہ رسیت۔سر وزیر بلوچستان ءَ بی آئی ٹی ایءِ پوزیشن زوروکیں نودربرءُُ استادانی تہ داد ءِ جار جتگ ، بلوچستان انسٹیوٹ آف ٹیکنکل ایجوکیشن ءِ سروک بریگیڈیئر سہیل ظفر ءَ سپاس نامہ پیش کنان ءَ گوشت کہ نیوٹیک سدرن کمانڈ ،بنجاہی ءُُ صوبائی حکومت ءِ کمک ءَ گوں اے ادارگ ہڈ بوتگ ایشی ءِ تہ تاانوں 8241نودربر ایشاں چہ2379نودربر ھم ھوار انت آہاں تعلیم سرجم کتگ۔ 13می بیچ ءِ تہ صوبگ ءِ لہتیں ضلعہانی 221نودربراں تعلیم سرجم کتگ۔مئے ادارگ لہتیں شوبگاں فنی تعلیم دیگ انت ،مراگش ءَ نودربراں راجی سوت ءُُ گشتانک دیان ءَ وتی جزبگ ءِ درشان کت۔
