کوئٹہ۔31 جنوری( اے پی پی)تہی کارانی صوبائی وزیر میر سرفراز بگٹی ءَ گوشت کہ مئے کوشست انت کہ صوبگ ءَ امن برجاہ دارگ بیت،اسٹریٹ کرائمز ءُُ شاھ دگ آناں محفوظ کتگ بلے مذہبی بیم کاری ءِ دیمپان انت ایشی ءِ سرجم ھلاسی ءَ پہ جہد برجاہ انت۔بلوچستان انسٹیوٹ آف ٹیکنکل ایجوکیشن ءِ ہڈ بوھگ ءَ چہ بلوچستان ءِ فنی تعلیم ءَ را ودکی رسیت ۔آہاں گوشت کہ دگہ ضلعہاں ھم فنی تعلیم ءِ ادارگ ہڈ دیگ بنت تنکہ صوبگ ءِ ورناہاں را فنی تعلیم پھجارگ بہ بیت۔اے ھیالانی درشان آہاں چار شمبے ءَ انسٹیوٹ آف ٹیکنکل ایجوکیشن ءِ 13می سرٹیفکیٹ بہر ءُُ بانگ ءِ مراگش ءَ گوں تران کنان ءَ گوشت ات۔صوبائی تہی کارانی وزیر میر سرفراز بگٹی ءَ گوشت کہ مئے کوشست انت کہ صوبگ ءَ امن برجاھ بہ بیت پرچہ کہ امن ءُُ ایمنی ءِ ابید ملک دیمرئی کت مہ کنت۔اَستیں صوبائی حکومت صوبگ ءِ تہ دیمرئی کارءِ زوت سرجم کنگ ءَ پہ جہد کنگ انت مروچیگیں مراگش ءِ تہ ساڑی بوت دل وش بوتگ چیاکہ بلوچستان ءِ نودربر فنی تعلیم زورگ ءِ پدا وتی ءُُ وتی ملک ءِ ہزمت کت کن انت بلکہ صوبگ ءِ مردمی تاگت ءِ تہ ودکی ءِ ھاترا وتی دمگ ءِ مردماں شعور ودی کنگ ءَ پہ وتی کرد پیلو کن انت۔یک جستے پسو ءَ آہاں گوشت کہ بلوچستان ءِ تہ بی ایریا ءَ را اے ایریا ءِ تہ بدل کنگ ءِ ھاترا کار برجاہ انت ءُُ کوشست ات کہ ورناہاں را گیشاں گیش میرٹ ءِ سرا روزگار پھجارگ یقینی جوڈ کنیں ۔
