اسلام آباد۔29جنوری (اے پی پی ) پاکستان ءَ اوگانستان ءِ بنجاھی حکومت کابل ءَ ملٹری اکیڈمی ءِ سرءَ ناشرکاری ءِ اُرشءَ را ایر جتگءُ ناشرکاری ءِ لعنت ءَ ر اھلاس کنگءِ ھاترءَ دراھیں ملک آنی مربوط کوشستانی سرءَ زور پِرداتگ۔ دری کارانی کارگسءِ جارچین ءَ دوشمبے ءِ روچءَ جار ی بیانءِ تہا ناشرکاری ءِ اے کاروائی ءِ تہا گران نیادیں جانانی زوال بوھگءِ سرءَ گمءُ رنج ءِ درشانی کتگءُ گشتگ کہ پاکستان ءِ حکومت ءُ اُلس اوگانستان ءِ حکومت ءُ اُلس ءَ گوں یکوئیءِ درشانیءَ کنت۔ جارچینءَ ناشرکاری ءِ اے وئیلءِ تہا وتی شہید بوتگیں مردمانی ھاندانانی گوما دلءِ جہلانکءَ ڈُکھءُ ھمدردیءِ درشانی کتگءُ ٹپیگانی زوت جانءُ سلامتی ءِ ھاترءَ دعاکتگ۔
