گوادر ۔29جنوری (اے پی پی) گوادر پورٹ ءِ جار پیسرگیں مزن وزیر محمد نواز شریف ءَ1992ءَ جتگ کہ مرچی راست بوتگ ، جمہوریت ءُ مھکمیں دیمروئی ملک ءَ را مھکم کت کنت، چین پاکستان ءِ تہا درساں چہ گیش تچک ءَ تچک زرکاری کنوکیں ملکے جوڈ بوتگ، سی پیک ءَ چہ ھمک مردم پاھدگ چست کت کنت، مہ انچیں دیمروئی لوٹ اَنت کہ آھاں چہ بلوچستان ءِ اُلس ءِ زنداب باز جوان بیت ، چین پاکستانءِ گوما کمک ءَ جاری داریت۔ اے ھیالانی درشانی دوشمبے ءِ روچءَ تہی کارانی بنجاھی وزیر احسن اقبال ، بنجاھی وزیر حاصل خان بزنجو، بلوچستانءِ سروزیر پیر عبدالقدوس بزنجو، پاکستانءِ تہا چین ءِ سفیر ءُ چینی کمپنی چائنا اوورسیز پورٹ ہولڈنگ کمپنی لیمٹڈ ءِ چیف ایگزیکٹو آفیسر ءَ گوادر فری زون ءُ گوادر ءِ اولی دو روچی ایکسپو ءِ بنگیجی مراگشءَ گوں تران کنانءَ کتگ۔
