توکی کارانی وزیر احسن اقبال، وزیر مملکت برائے اھوالکاری ءُُ شنگ کاری مریم اورنگزیب مزن وزیر ءِ ھمبراہ اَنت
گوادر ۔ 29 جنوری (اے پی پی) مزن وزیر شاہد خاقان عباسی گوادر ایکسپو ءُُ گوادر فری زون ءِ اولی بھر ءِ بنگیج ءِ واستہ دو شمبے ءَ ادا سر بوت۔ توکی کارانی وزیر احسن اقبال، وزیر ءِ مملکت برائے اھوالکاری ءُُ شنگ کاری مریم اورنگزیب ھم آئی ءِ ھمراہ اَت۔ اولی میاں اوستمانی گوادر ایکسپو دو شمبے ءَ بندات بوھگ ءَ اِنت۔ مزن وزیر شاہد خاقا ن عباسی دو روچی نماش ءِ بنگیج ءَ کنت، نماش ءَ در ملکی بامرد، سفیر ءُُ دُگنیا ءَ چہ تاجر نماھندگ شریک بوھگ ءَ اَنت۔ اے موہ ءِ سرءَ گوادر فری زون ءِ اولی بھر ءِ بنگیج ھم کنگ بیت۔فری زون ءِ اولی بھر چین پاکستان اقتصادی راہداری ءِ گیٹ وے ءِ سرءَ برجا کنگ بوتگ۔ فری زون ءَ چہ نیامی ایشیا ءَ ھوار دُگنیا ءِ جتا جتائیں بھر آنی تجارت ءَ را دیمروئی رسیت۔ جغرافیائی رنگ ءَ ارزشتی ایں فری زون میاں اوستمانی سرمایہ کاری ءِ واستہ ٹوھیں کمکار ءِ سہرا بیت۔ گواردر فری زون ءِ بنگیج ءِ موہ ءَ ایکسپو 2018 ءِ مول ءُُ مراد گوادر دکہ ءُُ گوادر فری زون ءِ لھڈ بوھوکیں تجارتی بُنزیا ءِ رنگ ءَ سہرا کنگ ءُُ گوادر ءِ منصوبگ آں چہ پیداک بوھوکیں موہ آنی بابت ءَ سرپدی پیداک کنگ اِنت۔ اے نماش سرمایہ کاری، روزگار ءِ موہ آنی تہ ءَ گیشی ءُُ تجارتی چست ءُُ ایر آنی دیمروئی ءِ واستہ ھندی ءُُ درملکی کاروباری بامرد، سرمایہ کاری ءُُ سرکاری کارندہ آناں گند ءُُ نند کنگ ءِ یک پلیٹ فارم ءِ پُجاری کنت ایشی ءَ چہ مزنیں منصوبگ ءِ برورد ءَ چہ نپ چست کنگ بیت کنت۔ نماش ءِ برجائی گوادر ءِ دیمروئی ادارگ ءُُ چین ءِ ڈنی ملک آنی دکہ آنی ھوالگ ءَ جیڈھ آنی انتظامی کمپنی ءَ یکجائی رنگ ءَ کت۔
