گوادر ءَ دو روچی میاں اوستمانی ایکسپو پندات
گوادرشہر ءُُ دکہ ءِ دیمروئی ءَ چہ نہ ایوک ءَ بلوچستان بلکینگ سرجمیں پاکستان ءَ نپ رسیت
اسلام آباد ۔ 29 جنوری (اے پی پی) پاکستان ءَ چین ءِ سفیریاؤجنگ ءَ گوشت کہ چین ءِ حکومت گوادر شہر ءُُ دکہ ءَ را دیمروئی دیگ ءَ جزمیگ اِنت۔ دو شمبے ءَ گوادر ءَ دو روچی میاں اوستمانی ایکسپو ءِ بنگیجی مراگش ءَ گشتانک دیان ءَ آئی ءَ گوشت کہ گوادر شہر ءُُ دکہ ءِ دیمروئی ءَ چہ نا ایوک ءَ ھندی مردم بلکینگ ءَ بلوچستان ءُُ پاکستان ءَ را ھواری ءَ نپ رسیت ءُُ ھندی مردم آناں روزگار ءِ موہ رسیت۔ آئیءَ گوشت کہ چین ءِ حکومت گوادر ءَ سرمایہ کاری ءِ واستہ ھندی کمپنی آنی دلبڈی ءَ کنگ ءَ اِنت، ما گوادر ءَ را دیمروئی دیگ ءَ ھوار ادا چہ آپ وانگ ءُُ زانگ ءُُ جان سلامتی ءِ آسراتی پُجاری کنگ ءِ دلگوشی دیگ ءَ اِنت۔ آئی ءَ گوشت کہ گوادر ءِ دیمروئی ءِ واستہ جاڑیگیں منصوبگ آں چہ کدرتی ابرم ءَ را برجم دارگ ءِ سرءَ دلگوشی دیگ بوتگ۔ گوادر ءَ اولی میاں اوستمانی ایکسپو ءَ را ساڑاھگ ءَ ھوار آئی ءَ اے نماش ءَ 200 ءَ چہ گیش چینی کمپنی ءُُ 6صوبگ آنی سروکی ءَ چہ گوادر ءُُ سی پیک ءِ بابت ءَ چینی حکومت ءُُ سروک ءِ جزم ءِ راستیں گواچن گندگ بیت۔ چینی سفیر ءَ گوشت کہ اقتصادی راہداری ءِ منصوبگ یکجائی دیمروئی ءُُ وشھالی ءِ منصوبگ اِنت، ما پاکستان ءِ گوما تجارتی ءُُ اقتصادی کمک جاڑی دار آں۔
