اسلام آباد۔29جنوری (اے پی پی) ادارکی بے لوگ بوتگیں مردمانی اوگان صوبہ خوستءَ واتری ءِ عمل جاری اِنت، 10ہزار ھاندانانی تہا تاں انوں 4ہزار 471ھاندان واتر سربوتگ اَنت۔ فاٹا سیکرٹریٹ ءِ حکام ءِ گشگءِ ردءَ ناشرکارانی ھلاپءَ آپریشن ضرب عضب ءِ آماچیں ادارکی بے لوگ بوتگیں مردم اوگانستانءِ صوبہ خوستءِ نندوک بوتگ اَنت ۔ آئی ءَ گشتگ کہ واتر بوھوکیں ادارکی بے لوگ بوتگیں مردماناں 25ہزار کیش گرانٹ وھدے کہ 10ہزار ٹرانسپورٹ ءِ کرایہ کنگءِ ھاترءَ دیئگ بوتگ ءُ ورلڈ فوڈ پروگرام ءِ ردءَ 6ماھ ءِ ھاترءَ مپت راشن ھم دیئگ بوتگ۔
