راولپنڈی۔28جنوری (ا ے پی پی) میاں اوستمانی امنءُ ایمنی ءُ مھکمی ءِ ھاترءَ پاکستان ءِ کوشستانی وھدءَ جمہوریہ کانگوءَ اقوام متحدہ ءِ امنءُ ایمنی فورسءَ ھوار یک دگہ پاکستانی امن اُردے شہید بوتگ۔ پاک فوج ءِ تعلقدار ی پڑ آئی ایس پی آر ءِ نیمگءَ چہکیپپنگ قافلہءِ سرءَ سلاھ بندیں باغی آں اُرش کتگ، اے وھداں یکے دومی ءِ سرءَ تیر گواری کنگ بوتگ کہ نائیک نعیم رضا شہید ءُ سپائی بلال ٹپیگ بوتگ۔ پاکستانی پیس کیپر آں سلاھ بندیں یاگی آناں ناکام کتگ۔ بیانءِ ردءَ اقوام متحدہ ءِ بیرک ءِ چیرءَ پاکستان میاں اوستمانی امنءُ ایمنی کنگءَ مھکمیں کرد پیلو کنگءَ اِنت۔ امنءُ ایمنی جوڈ کنگءَ تاں انوں 23افسراں ھوار 156بہادریں سپائی شہید بوتگ اَنت۔ اقوام متحدہ ءِ امنءُ ایمنی جوڈ کنگءِ زمہ واری ءَ پیلو کنگءِ ھاترءَ اے وھدءَ 6ہزار پاکستانی افسر وتی زمہ واری ءَ پیلو کنگءَ اَنت۔
